Encyclopédie

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

L'Enciclopedia o Dizzionari resonad di scenze, di art e di mester (Encyclopédie ou Dictionnaire raisonné des sciences, des arts et des métiers in del titol original frances) a l'è un'oeuvra in derset volum, publegada a Paris in tra el 1751 e 'l 1772, vuna di pussee importante testimonianze de l'inluminism in lengua francesa, sota la direzzion del Denis Diderot e con la collaborazzion del Jean-Baptiste Le Rond d'Alembert.

In tra i persone che hann scrivud in de l'Encyclopédie a troeuvom i pussee important intelletuai del temp, 'me 'l Voltaire, el Rousseau e 'l Montesquieu.

L'oeuvra la nass de l'idea de l'editor Le Breton de voltà in frances la Cyclopaedia, or an Universal Dictionary of Art and Sciences inglesa del Chambers publegada in del 1728 a Londra. L'incaregh el vegn dad al Diderot, che poeu el la trasforma in d'una oeuvra del tut noeuva e pussee granda. El prim volum el sortiss el 1 de luj del 1751, ma dopo del segond volum, vegnud foeura in del 1752, l'oeuvra la se ferma per i oposizzion di ambet religios e l'è bona de andà inanz domà grazzia al jut de la madame de Pompadour e inscì in del 1753 el gh'è el terz volum. L'Enciclopedia la tira inanz senza tropi problem in fina al setim volum, ma in del 1757 la riva una noeuva crisi: tant di collaborador pussee important lassen l'impresa, in tra quei chì anca el d'Alembert, e inscì del 1758 el Diderot el resta deperlu in de la direzzion e in del 1772 el la mena a termin.

• Enciclopedia Garzanti di Filosofia, Garzanti Editore

• Wikiquote el gh'ha dent citazzion de o su Encyclopédie
• Wikimedia Commons el gh'ha dent imagin o alter archivi su Encyclopédie