Castegnacia

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivud in lombard, con la Noeuva Ortografia Lombarda

La castegnacia l’è ona torta de farina de castegne originaria de la Toscana,^[1] ormai tipica anca di zone di Mont penin de l'Umbria, el Piemont^[2], la Liguria, el Lazio, l'Emilia e la Romagna e alpine o de pianura (Veneto e Lombardia)^[3]. Dessorapù, a l’è paregiada in su l’isola de Corsica. L’esist anca ona variant de castagnacia de la region Campania.

Se trata d’on piat tipicament de l'autunn che ‘l se oten a fa coeuser in del forna on impast de farina de castegne, aqua, oli extravergin de oliva, pignoeui e ugheta. Di variant locai preveden la sgionta de alter ingredient, compagn del rosmarin, di scorze de naranz, de la somenza de fenoeucc, de la fruta seca come i nos, i pignoeui e i frut del fò. Di compagnament ideai a la castegnacia a inn la mascherpa o el mel de castan, el vin de San Martin, o i vin dolz compagn del vin sant.

A gh’è tanti nom e ricete per i bombon fad con farina de castegne. De fat ne esisten almen trii tipi diferent: ona torta sossenn sutila (spantegada soratut in Lunigiana, indove l’è ciamada patona o castignà a Fosdinovo)^[4], ona torta pussee spessa (spantagada in Toscana e in particolar a Lucca, indove l’è ciamada torta de neccio^[5], a Livorno la castegnacia, se l’è fada alta tre centimetri e densa, l’è ciamada toppone^[6] e l’è considerad de qualità pussee bassa, e a Arezzo indove l’è ciamada "baldino") e ona sorta de polenta dolza (anca lee spantegada in Toscana e ciamada pattona). La castegnacia pussee popolar, ona torta sutila, a Firenz l’è ciamada "migliaccio" e "ghirighio" in la Piana Fiorentina (Campi Bisenzio, Sesto Fiorentino, ecc.), a Prato e in la Vall de Bisenzio.

La castegnacia l‘è on piat "pover" in del significad ver de la parolla, on temp ben spantegada in di zone di Mont Penin indove i castegne eren el fondament del nutriment di popolazzion de la campagna. Dopo on period de trascuranza, tacad in del second dopoguerra e determinad del benesser cressent, l’è stad riscopert e incoeu l’è protagonista de tante feste in del temp de l’autunn.

Second quell che se lensg in del Comentari di pussee notabil et mostruose robe d'Italia e de alter sit, de l’Ortensio Landi (Venetia, 1553) par che l'inventor de la castegnacia el sia stad on lucches ciamad "Pilade de Lucca", che l’è stad "el prim a fà castagnacce e de quest e ‘l n’ha portad indree lod".

La castegnacia l’è stada riconossuda prodoti agroalimentar tradizzionai su proposta de ‘ste region chì:

• Region Emilia-Romagna
• Region Lazzio
• Region Liguria
• Region Piemont^[2]
• Region Toscana

• 
  Preparazzion de la castegnacia
• 
  Variant con ugheta, pignoeui e nos
• 
  Detali del migliaccio fiorentin

1. ↑ «El Pillade de Lucca: l’è sta del prima a mangià di castegnacce, et minestra de semola, et de quest el n’ha raportad lod» da "anonimo, cittadino di Utopia", Catalogo dell'inventori delle cose, che si mangiano, et delle bevande c'hoggidi s'usano., publicad in apendice a Ortensio Lando, Commentario delle piu notabili et mostruose cose d'Italia, et altri luoghi, Venezia, 1547.
2. ↑ ^{2,0 2,1} CASTAGNACCIO. URL consultad in data 11 giugno 2014. (arqiviad de l'url orijenal in data 23 aprile 2014)
3. ↑ Castagnaccio morbido ricetta.. URL consultad in data 30 ottobre 2018. (arqiviad de l'url orijenal in data 31 ottobre 2018)
4. ↑ La pattona della Lunigiana. URL consultad in data 11 giugno 2014. (arqiviad de l'url orijenal in data 7 aprile 2013)
5. ↑ La Torta di Neccio o Castagnaccio di Stazzema. URL consultad in data 11 giugno 2014. (arqiviad de l'url orijenal in data 14 luglio 2014)
6. ↑ IL CASTAGNACCIO. URL consultad in data 11 giugno 2014. (arqiviad de l'url orijenal in data 14 luglio 2014)

• Carlo Cracco, A qualcuno piace Cracco: La cucina regionale come piace a me, Rizzoli, 2013-11-15T00:00:00+01:00.
• Massimo Dadà, Guida di Fosdinovo, Edizioni Giacché, Fosdinovo, 2010

• Neccio
• Manafregoli
• Castegna de Montella

• Ricetta Castagnaccio alla toscana. URL consultad in data 11 giugno 2014.
• Ricetta castagnaccio. URL consultad in data 11 giugno 2014.