Çipro do nòrd

Çîpro do Nòrd (in léngoa tùrca Kuzey Kibris), ofiçialménte Repùblica Tùrca de Çîpro do Nòrd (in léngoa tùrca Kuzey Kibris Türk Cumhuriyeti, sìgla KKTC), o l’é ’n Stâto de l’Àzia, ch’o s’é aotoproclamòu ma o no l’é riconosciûo da-a comunitæ internaçionâle, ch’o s’esténde inta pàrte setentrionâle de l’îzoa de Çîpro da-o 1983, inte zöne che de iure (de dirìtto) apartêgnan a-a Repùblica de Cîpro, ma da-o 1974 òcupæ e controlæ da l’ezèrcito tùrco dòppo l’invaxón tùrca de Çîpro.

A sò capitâle a l’é Lefkosa (Nicoxîa in tùrco), ò sæ a pàrte nòrd sótta l’òcupaçión militâre tùrca da çitæ de Nicoxîa, spartîa da-a lìnia de confìn de l’armistìçio (a coscidîta Green Line, a Lìnia vèrde). A RTCN (KKTC) a l’é riconosciûa, da-a dæta da sò proclamaçión, sôlo da-a Turchîa.

A Repùblica de Çîpro a l’é diventâ ménbro de l’Unión Eoropêa a-o 1° de màzzo do 2004. Da ’n pónto de vìsta giurìdico, o teritöio de Çîpro Nòrd o doviæ dónca êse conscideròu in mòddo teòrico cómme s’o fésse pàrte de l’UE. A ògni mòddo, l’aplicaçión de lacquis communautaire e de normatîve eoropêe a l’é stæta sospeìza, in mancànsa de ’n acòrdo in sciâ riunificaçión de l’îzoa, in sciâ bâze do fæto che-e aotoritæ da Repùblica de Çîpro no pêuan de facto (in realtæ) ezercitâ o sò contròllo in sciâ pàrte nòrd de l’îzoa, sótta òcupaçión tùrca.

I abitànti tùrco-cipriöti da RTCN (ma no i colöni tùrchi) són conscideræ da-o govèrno da Repùblica de Çîpro cómme çitadìn a tùtti i efètti e pêuan domandâ documénti d’identitæ e pasapòrti, e cómme tâli pêuan êse conscideræ çitadìn eoropêi.

• Wikimedia Commons a contêgne di files in sce Çipro do nòrd

V · D · M Stati de l'Asia
Afghanistan ·  Armenia ·  Arabia Saudïa ·  Azerbaijan[1] ·  Bahrain ·  Bangladesh ·  Bhutan ·  Brunei ·  Camboggia ·  Cinn-a ·  Çipro ·  Corea do Nord ·  Corea do Sud ·  Egitto[2] ·  Emirati Àrabi Unïi ·  Filippinn-e ·  Giappon ·  Giordannia ·  Giörgia[1] ·  India ·  Indonexia ·  Iran ·  Iraq ·  Isræ ·  Kazakistan[2] ·  Kirghizistan ·  Kuwait ·  Laos ·  Libano ·  Maldive ·  Malaysia ·  Mongòllia ·  Myanmar ·  Nepal ·  Oman ·  Palestinn-a ·  Pakistan ·  Qatar ·  Scingapô ·  Sciria ·  Sri Lanka ·  Rùscia[2] ·  Tagikistàn ·  Taiwan ·  Thailandia ·  Timor Leste ·  Turchia[2] ·  Turkmenistan ·  Uzbekistan ·  Vietnam ·  Yemen
Riconosciménto limitòu	Abkhazia[1] ·  Çipro do nòrd‎ ·  Oséçia do Sùd[1]
Dipendénse	Australia ( Isoe Cocos,  Isoa Christmas) ·  Régno Unîo ( Teritöio Britannego de l'Oçeano Indian, Akrotiri e Dhekelia)
↑ 1,0 1,1 1,2 1,3 Stâto parçialménte eoropêo a segónda da convençión giögràfica adotâ ↑ 2,0 2,1 2,2 2,3 Parçialménte in Àzia