Sjièr

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

'n Sjièr is e stök aan gereidsjap det kan waere gebroeke veur alderhenj aan zake door te knippe of aaf te knippe. De knipbewaeging kump zich doordet twiè vrie sjerpe en ónbuugzaam metale blajer (metser) naevenein aaf sjuve, wo 't veurwirp det me wiltj knippe tösse wuèrtj geplaats. 'n Sjièr haet meistes 'n handjvaat mit ouge veur de vingere en e sjarneerpuntj mit 'n sjroef.

Sjière kómme veur in versjillige saorte, wie naegelsjière, pepiersjière, kapperssjière, stofsjière en betóngsjière. Sjière kónne ouch boet zeen, zodet ze door kinjer kónne waere gebroeke.

Sómmige saorte aan tange waere ouch gebroeke veur te knippe, wie 'n kniptang. 't Princiep is hie aevel angesters: ze kniepe ière e veurwirp door en höbbe gein naevenein sjavendje metser.

• 't Waord "sjièr" wuèrtj ouch gebroeke veur de geliek-gevörmdje veurpuèt van krabechtige.

• Sjièreslieper