Merle Haggard

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Merle Ronald Haggard (6 april 1937 - 6 april 2016) waas 'nen Amerikaanse country- en westernzenger, -leedjessjriever, -gitaris, -fjoealis en -instrumentalis. Same mit Buck Owens zörgdje Haggard mit ziene band The Strangers d'rveur dette Bakersfieldsound óntsting: 'ne klank dae wuuertj gekarakteriseerdj doren unieken "tsjieng" vanne Fender Telecaster en 't uniek mingsel van 't geluid vanne traditionaal country-steelgitaar, nuuj hermoniestiele mit zo min meugelik wäörd en 'ne roewe kantj dae aafwiek vanne gepoliestere Nashvillesound van róndje zelvendjen tied.

Taenge de jaore sevetig tróch Haggard mieë richting de greujendje outlawcountrybewaeging en hae góng door mit 't oetbringe van succesvól albums inne jaore neugetig enne begin vannen einentwintjigsten ieëf. In 1994 woort t'r opgenómmen inne Country Music Hall of Fame; in 1997 inne Oklahoma Music Hall of Fame.