Ommen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Ommen (Sallands: Ommn) is e stedsje en 'n gemeinte in de Nederlandse provincie Euverijssel, aon de rand vaan 't Salland, mèt 'n oppervlak vaan 181,98 km² (daovaan 1,99 km² water) en (per 1 april 2016) 17.627 inwoeners. De plaots Ommen zelf had op 1 januari 2015 11.820 inwoeners. Neve de hoofplaots kint de gemeinte de volgende dörper, gehuchter en naobersjappe: Archem, Arriën, Arriërveld, Beerze, Beerzerveld, Besthmen, Dalmsholte, Eerde, Giethmen, Hoogengraven, Junne, Lemele, Nieuwebrug, Ommerschans, Stegeren, Stegerveld, Varsen, Vilsteren, Vinkenbuurt, Witharen en Zeesse.

Ommen ligk aon de Euverijsselse Vecht. De plaots is bij Nederlanders populair es binnelandse vekantiebestumming. In de umgeving is väöl weerdevol cultuurlandsjap te zien.

Ommen weurt roond 't jaor 1100 geneump es dörpke bij 'n voord in de Vecht. In 1248 krijg 't stadsrechte, al oontwikkelt 't ziech neet tot 'n plaots mèt steielek karakter. De gemeinte Ommen weurt in 1818 gesplits in Stad Ommen, Amb Ommen en Avereest ('n gemeinte die väöl later opgóng in Hardenberg). De ierste twie weure in 1923 weer vereineg. Op 't landgood Eerde vaan de baron Van Pallandt floreert in 't Interbellum 'n theosofische gemeinsjap. In 1941 woort op dezelfde plaots 't strafkamp Erika gevesteg.

• Website vaan de gemeinte

Gemeintes Provincie Euverijssel
Almelo · Borne · Dalfsen · Deventer · Dinkelland · Enschede · Haaksbergen · Hardenberg · Hellendoorn · Hengelo · Hof van Twente · Kampen · Losser · Oldenzaal · Olst-Wijhe · Ommen · Raalte · Rijssen-Holten · Staphorst · Steenwijkerland · Tubbergen · Twenterand · Wierden · Zwartewaterland · Zwolle
Opgeheve gemeintes