Isidorus van Sevilla

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

Isidorus van Sevilla , gebore in Cartagena in Sjpanje in 560 en gesjtorve in Sevilla op 4 april 636 ies 'ne heilige, dae in 1598 door de katholieke kèrk heilig ies verklaord.

Isidorus van Sevilla ies de officieuze petroanheilige van 't internet en zien gebrukersj. Dat haet 'r te danke aan 't door häöm samegesjtèlde Etymologiae, 'n 20 deilig bookwerk. In de Miedelièwe fungeerde dit werk es 'n encyclopedie van alles wat aan kennis besjtóng op de ganse westerse waereld. Internet ies es 'n hudige, virtueel, encyclopedie te besjouwe. Ziene fièsdaag vèlt op 4 april.

'ne Andere heilige Isidorus van Madrid ies ouch in Sjpanje gebore, in 't jaor 1070 en gesjtorve op 15 mei 1130 in Madrid. Deze Isidorus ies de petroanheilige van boere en tuindersj.

De heilige Isidorus haet in Nederland gein eige baevaartsoord. De waereld van de computer en internet zint te besjouwe es zien virtueel Isidorusheiligdom.

Hae weurt aafgebeeld mèt 'ne inkpot, 'n gauzevaer en 'n book. Sóms dreug 'r 'ne biejekörf vanwege zien praeke. Allewiel weurt 'r ouch aafgebeeld mèt 'ne computer of 'n toetsebord.