Downtown (Los Angeles)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Downtown is 't mies noordoostelek gelege distrik in Los Angeles, 'n stad in Californië. Neve Hollywood ('t geziech vaan de Amerikaanse filmindustrie) is Downtown 't mies bekinde geziech vaan Los Angeles.

Alle distrikte in Los Angeles höbbe wieke, zoe ouch Downtown.

• Arts District
• Bunker Hill
• Chinatown
• Civic Center
• Fashion District
• Financial District
• Gallery Row
• Historic Core
• Jewelry District
• Little Tokyo
• Skid Row
• South Park
• Old Bank District
• Toy District
• Wholesale District

Chinatown (Limburgs: Sjinadörp) is 'n hiel erg bekind gebeed vaan Downtown. In de wiek woene veurnaomelek Sjineze. Toen de mieste Sjineze twiehoonderd jaor geleie emigreerde nao Los Angeles, koze de mieste um same mèt landgenote op ein plaots te hojze. Heidoor oontstoont vaanzelf Chinatown. Dit gebäörde op mierdere plaotse in Californië. Ouch oontstoont dit idee in San Diego, en in San Fransisco ligk zelfs 't groetste Chinatown vaan de wereld. Boete Californië is veural de Chinatown vaan New York City (in New York), Miami (in Florida), Londen (in Ingeland) en Amsterdam (in Nederland) 't bekinst. Väöl Sjineze in Chinatown kinne gaaroet gein Ingels umtot bekans ederein in de umgeving Sjinees kin. Ingels weurt euverbodeg, en zelfs de straotborde zien twietaoleg (Ingels en Sjinees) gesjreve.

Southpark, neet te verwarre mèt de gelieknaomege Amerikaansen tv-serie dee ziech in Colorado aofspäölt, is de snelsgreujende wiek in Downtown. Väöl waor in de historie neet interessant aon de wiek, mer noe begint 't 'n hippe wiek te weure. Dit kump umtot de hoezer hei hiel goodkoup zien, boedoor studente gemekelek e nui bedrief kinne beginne. 't Aontal kaffees en clubs greujt hei mèt de maond. Zoe'n zelfde soort greuj is ouch hei in Europa te zien, naomelek in Berlien, Duutsland.

Distrikte in Los Angeles, Californië
Downtown · Eastside · Harbor Area · Hollywood · Los Feliz · San Fernando · Westside · Wilshire · Zuid-Los Angeles