A25 (Belsj)

Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Voeres, es te dit dialek sjpriks.

De A25 is 'n kótte autobaan i g'n Belsje provins Luuk. Ze is zestieën kilometer lank en verbingk de sjtad Mesjtreech mit Luuk. D'r weëg is óngerdeel van 't trajek van d'r E25.

De A25 begint i g'n gemingde Voere, bei 't dörpke Moelinge. Ze lupt hei zoeën 500 meter durch Vlaamsj grónkgebeed, mar noa koom 500 meter treënt me Wallonië binne. Dat kin me zelfs zieë aan de sjilder langs d'r weëg. Vuurbei 't sjtedje Visé lupt de autobaan durch e sjmaal daal van de Maas mit de reveer aa g'ne inne kank en de beboewing en de kalkweng van 't Plateau van Herf aa g'ne angere kank. Parallel aan de A25 lupt 't gleis Mesjtreech-Luuk.

Noa 't dörp Cheratte passeert de autobaan e wichtig knouppunt mit de A3 (knooppunt Cheratte), dat 't verkier wiejer richting Brussel, Name, Luuk, Luxemburg of Oake leid. Zudelig van 't knouppunt lupt de A25 nog durch e groeët indoestriegebeed. Hei ligk óch de broewerie Piedbœuf. Kót doanoa lupt de autobaan Luuk binne, oeë ze óch indig.

	punt in trajek	aasjleting
	grensuëvergang Nederland	A2
1	aafsjlaag Moelinge	N602
	Moelinge
2	aafsjlaag Visé	N653
	Visé
3	aafsjlaag Argenteau
4	aafsjlaag Cheratte
	knouppunt Cheratte	A3, E25, E40, E42
5	aafsjlaag Wandre, Herstal	N667
6	aafsjlaag Jupille
7	aafsjlaag Coronmeuse
	Luuk	N90

• 
  I g'n richting va Mesjtreech
• 
  D'r A25 bei Visé
• 
  D'r A25 ligk parallel neëve de Maas
• 
  E sjtuk gleis en get beboewing
• 
  Bei knooppunt Cheratte, direk ten noarde va Luuk
• 
  Begin van de A25 i Luuk

Commons: A25 (Belgium) – Media gerelateerd aan dit óngerwerp

• Gesjichde van d'r A25-E25 op Wegen-Routes.be