Rio Indo
La Rio Indo (acc la Sindhu) es un de la rios la plu longa en Asia. Lo orijina en la plano alta de Tibet prosima a Lago Manasarovar. Lo continua tra la rejion de Ladakh en Jammu e Kashmir, India, a la rejion Gilgit-Baltistan de [[Pacistan] e la montes de la Hindukush. Alora, lo flue sude longo la tota longia de Pacistan per entra la Mar Arabi prosima a la porton Karachi en Sindh. Lo es la rio la plu longa, e la rio nasional, de Pacistan.
La rio ave un area de dreni plu ca 1,165,000 km2. Sua flue anual estimada es sirca 243 km3, du veses de la Rio Nilo e tre de la Rio Tigris e Rio Eufrates combinada. Comensante en un fonte en la montes de la Himalaias, nurida par glasias e rietas, la rio suporta ecosistemes de forestas temperada, planos, e campanias seca.
La parte norde de la vale de la Indo, con sua enflues, formi la rejion de la Pandjab, e la corsa basa, nomida la Sindh, fini en un estuario grande. La milenio tre aec ia vide la developa de un sivilia urban major de la Eda de Bronze. En la milenio du aec, la rejion de la Pandjab ia es notada en la imnos de la Rigveda como la Sapta Sindhu, e en la Avesta como la Hapta Hindu (ambos sinifiante "sete rios"). La renas de istoria temprana de la vale inclui Gandhara e Sauvira. En la periodo clasica, la Rio Indo entra la conose de la ueste cuando Re Dario de Persia ia envia sua esploror Scilax de Carvanda per esplora la rio, sirca 515 aec.
