Pirogi

Pirogi es bales de pasta fabricada par envelopente un pleni dulse o saborosa en un pasta nonlevada e alor coce en acua bolinte. Los es comun alora fritada en un padela ante servi los. Pirogi es plu comun asosiada con la cosina de nasiones sentral e este european. Los es ance popular en cosina american moderna.

Plenidas tipal inclui patata, ceso blanca, xucrute, carne molida, xampiniones, o frutas. Pirogi saborosa es comun servida con crema asida, oniones fritada, o ambos.

La pasta, cual es fabricada par misca farina e acua tepida, a veses con un ovo, es platida e alora taliada en cuadros con un cotela o sirculos con un tas o vitro e bevis. La pasta pote es fabricada con alga patatas maxida, cual crea un trama plu lisa. Un otra varia popular entre txesces e slovensces usa pasta de farina e ceso blanca con ovos, sal, e acua.

La plenida es poneda en la sentro e la pasta es pliada per formi un dui sicrula, o un retangulo o triangulo si la pasta es cortida como un cuadro. La bordas es presada per seli la pirogi, afin la plenida va resta a en cuando lo es coceda. La pirogi es bolida lente asta ce los flota, drenida, e alora a veses fritada o fornida ante servi. Los pote es servida con bur fondeda o crema asida, o decorada con pesos peti de bacon fritada, oniones, e xampiniones. Per desertos, la varias pote es culminada con salsa de fruta

Pirogi ave sua propre santa: "Święty Jacek z pierogami!" ("San Jasinto e sua pirogi!") es un espresa de surprise vea en polsce, simil a "o mea dio" o "santa fumo".