Lisosoma
La lisosoma es la organeta en la sitoplasma de selulas eucariotal cual conteni enzimas degradante encluida par un membrana.
La lisosomas ance ata como un sistem de dejeta de la selula dijestante materiales nonvoleda en la sitoplasma, de estra la selula e de composantes desusada de la selula. Los ia es descovreda par la biolojiste beljes Christian de Duve, ci ta reseta la Premio Nobel de Fisiolojia o Medica en 1974.
On sabe ce la lisosomas conteni plu can 60 enzimas diferente. La enzimas es emportada de la aparato de Golgi en vesiculas peti, cual fusa con vesiculas asida plu grande.
La lisosomas conteni un varia de enzima, permetente la selula rompe varia biomoleculas cual ensirca, incluinte peptidos, asidas nucleal, carboidratos e lipidos. La enzimas reponsable de esta idrolise nesesa un ambiente asida per ativia la plu bon.