Leti

Leti es la secrete de lete de la glandes mamelal e la periodo de tempo cual un madre leti per nuri sua enfantes. La prosede aveni natural con tota mamales fema sesal matur, an si lo ta presede mamales. La prosede de nuri con lete en tota viventes fema es nomida teti. Bebes nova naseda produi frecuente alga lete de sua propre texeda de seno, conoseda nonformal como lete de sorsor.

En la plu de spesies, leti es un sinia ce la fema ia es ensinta a alga punto en sua vive, an si en umanas e capras, lo pote aveni sin ensintia. Cuasi cada spesie de mamal ave tetas; estra monotremes, mamales cual pone ovos, cual relasa lete tra dutos en la adomen. La produi de lete es un funsiona mas normal en sola un spesie de mamal, la Dyacopterus spadiceus de Asia sude-este.

Galactopoiese es la manteni de la produi de lete. Esta fase nesesa prolactina. Ositosina es critica per la reflexe de relasa de lete en responde a teti. Galactorea es la produi de lete nonrelatada a teti. Lo pote aveni en mases e femes de multe spesies de mamales como un resulta de nonecuilibras ormonal como iperprolactinemia.