Kadaster

Dëse Geographiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Am Kadaster gi sämtlech Propriétéiten, op dat an de Stied, den Dierfer, oder um Flouer ass, opgezeechent a beschriwwen.

Déi Aarbecht gëtt vun enger Staatsverwaltung gemaacch. Dat ass zu Lëtzebuerg d'Administration du cadastre et de la topographie, déi allgemeng ënner dem Numm de Kadaster bekannt ass.

Den normale Kadaster ass den "horizontale" Kadaster. Et gëtt awer och ee "vertikale Kadaster", dee benotzt gëtt fir Propriétéite festzehalen, déi op verschiddenen Niveauen iwwerenee leien, z. B. an Appartements- oder an Héichhaiser.

Den éischte Kadaster zu Lëtzebuerg, de sougenannten Urkadaster, geet op d'Zäit ënner der franséischer Herrschaft tëscht 1795 an 1815 zeréck. An der Zäit vu 1798 bis 1801 waren d'Gemenge Biermereng, Déifferdeng, an Ell vermooss ginn, fir e Prototyp vum Kadasterplang opzestellen.

En Arrêté vum 18. Juni 1801 huet bestëmmt datt all d'Gemenge sollte vermooss ginn. Déi éischt zesummenhängend Pläng waren 1811 fäerdeg.

Dacks geet och riets vum sougenannte Kadaster vun der Marie-Thérèse. Dat war awer keng Opnam am Sënn vum Kadaster mat de Pläng wéi mir en haut verstinn.

 Méi Informatioun doriwwer am Artikel: Kadaster vun der Marie-Thérèse.

Administration du cadastre et de la topographie

• De Lëtzebuergesche Kadaster um Geoportal vum Lëtzebuerger Staat
• Lëtzebuerger Ëmweltkadaster
• Alphonse Eyschen, Al a modern Kadastervermiessungen am Groussherzogtum Lëtzebuerg, In: Documentationsbulletin vum SIP, Nr 12 vum 31. Agust 1963, S. 9ff