|
Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
|
D'Françoise Peschon, gebuer den 8. Mee 1963 a Kalifornien, USA, als Kand vu lëtzebuergeschen Elteren, ass eng Oenologin um Araujo-Wäigutt a Kalifornien. Do ass si Kellermeeschtesch.
- D'Françoise huet an den USA op der Davis Universitéit studéiert, eng vun de bescht bekanntsten amerikaneschen Universitéiten, wat d'Wäiwëssenschaften ugeet.
- Duerno huet d'Françoise hire Stage um Château Haut-Brion bei Bordeaux gemaach an nach Coursen um oenologeschen Institut zu Talence suivéiert. Do huet si, wéi se behaapt, méi geléiert, wéi an hirer véierjähreger Universitéitszäit an Amerika.
- Zeréck an Amerika, huet se siwe Joer an den Napa Valley's Stag's Leap Wine Cellars geschafft.
- 1993 huet s'ëmgesuedelt a gouf Assistentin vum Wäimeeschter um Araujo-Wäigutt a Kalifornien.
- 1996, nodeem de fréiere Wäimeeschter Tony Soter sech offiziell zeréckgezunn huet, mä als Beroder aktiv blouf, ass d'Françoise dunn um Araujo-Gutt Wäimeeschter ginn. D'Araujo-Wäigutt ass eent vun de féierenden Haiser a Kalifornien a gëtt vum grousse Wäinexpert Robert Parker mat 90 Punkte vun 100 bewäert.
- D'Françoise produzéiert, zesumme mat enger Frëndin, der Lisa Drinkword, en eegene Wäin, deen deenen zwee hiren Numm dréit, den Drinkward Peschon Entre Deux Mères Cabernet Sauvignon.
