Apologia Socratis (Xenophon)

Apologia Socratis (Graece Άπολογία Σωκράτους) est opusculum breve ab Atheniense Xenophonte de damnatione morteque magistri sui Socratis anno incerto^[1] conscriptum. In quo libro Xenophon refert quosdam sermones Socratis ante iudicium vel etiam post damnationem anno 399 a.C.n. habitos, necnon summarium eius orationis apud iudices. Quibus dictis referendis, cupit in primis lectori ostendere Socratem ideo pro iudicibus superbe et audacter loquentem^[2] quia tempus idoneum moriendi sibi iam adesse existimabat, certe indignis precibus senilem vitam non esse petendam. Ita enim a daemone suo monebatur.

Duae res praecipue Xenophonti cordi fuisse videntur: primo ne memoria Socratis ab eis irrideatur qui dicebant, si vere Socrates a deis praeter ceteros amatus esset, praemonitum fuisse a daemonio suo de eventu iudicii, ita ut cavere posset; item ab eis qui dicebant ridiculum esse persuadendi magistrum Socratem, qui ne iudicibus quidem et populo Atheniensi persuadere potuit ut eum virum bonum esse crederent atque absolverent. Quocirca maluit adfirmare Socratem scientem et volentem mortem praetulisse, consentiente daemonio suo.

Plato quoque de eadem re et sub eodem titulo librum longiorem et magis elaboratum edidit. De quo vide Apologiam Socratis.

• Editio princeps a Iohanne Reuchlin anno 1520 Hagenoae data, una cum Agesilao et Hierone.
• Petrus Olaus Edén, Xenophontis apologia Socratis in latinum conversa, Upsaliae, 1860
• Raphaelis Baer, Xenophons Apologie des Sokrates. Deutsch-Griechisch. Hrsg., eingeleitet, übersetzt, mit Biographie (verfasst von M. Mendelssohn) und Essay (Das Schwören des Sokrates "beim Hunde!") ergänzt von Raphael Baer, Verlag Bär, Niederuzwil 2007. ISBN 978-3-9523212-3-2
• Franciscus Ollier, Xénophon : Le banquet  ; Apologie de Socrate  ; texte établi et traduit par François Ollier,..... Parisiis : Les Belles Lettres, 1961. - (Collection des universités de France) ISBN 2-251-00334-7
• Textus apud Vicifontem Graecum

• Gabriel Danzig, "Apologizing for Socrates: Plato and Xenophon on Socrates' Behavior in Court", Transactions of the American Philological Association, 2003ː 281-321
• Louis-André Dorion, « Le daimonion et la megalêgoria de Socrate dans l’Apologie de Xénophon », Cahiers des études anciennes, XLV, 2008 [1]
  • L'autre Socrate : études sur les écrits socratiques de Xénophon, Les Belles Lettres, 2013 Recensio critica Altera recensio critica
• Boris Hogenmüller, "The influence of Plato’s Crito and Phaedo on Xenophon’s Apology of Socrates", Kentron, 2015: 127-138