Ovve ohne

Dä Usdrock Ovve ohne övv „Bross öruss“ beschriivd, wi ön Vrau övv önö Mann ohne Bekleedungsovverdeel met d Bröss öruss öröm leufd. Ovve ohne steehd em Jäjesatz zo d FKK, beij dör dr janze Liiv onbekleed, d Persun nakß es.

Kikkd mo sich anger Zitte a, su sitt mo, dat beij d Minoer d Vraue met d Bross öruss öröm leefe. Dat sälve joov öt och ön Zitt lang no d Französische Revolutiun suwi em 17. Jahrhondöt ä Ängland. Di Zitt es ävver vorbeij. Hüü z dachs jitt öt ovve ohne em normal Lääve mä beij d Bademode. He made dr Amerikaner Rudi Gernreich em Joohr 1964 dr Aavang. Hä entworp ö Badekleed, dat ovve ohne woch un op dr Bikini opbouwde. Als sing Entwörp opjevüührd wode, ongerbroche d Polisse dat ävver no ö paar Minütte.

Ä Europa soch dat angisch us. Do stürde öt bo kenne mi, wenn ön Vrau mä met ö Bötzje bekleed, am Strand litt. Frankreich un d Insel Ibiza made he dr Aavang.

Ovve ohne könne sich d Vraue seijd d 1980er Joohre an völl Stränd un Schwemmbäckens bewäje, ohne dat sö Ärjer kriije. Ön vaste Rejel jitt öt ävver net, wobeij d Vraue als Jrönd vöör hör Vorhalde ajevve, dat sö an dr janze Liiv brung wäde welle.

Ä anger Länder sitt dat ävver angisch us. Su es ovve ohne ä Amerika un en völl arabische Staate vorbone.

Dat Meddel ovve ohne weed aav un zo als Meddel Opseeh z erreeje jenotzd. Domet solle politische Wönsch ongerstötzd un dörchjesatze wäde. Beij d Studenteproteste en d 70er Joohre wood Ovve ohne döck äjesatze.

Ä völl Länder es ovve ohne net akzepteerd un beij Strof vorboone. Zo di Länder zälle d USA. Dat jliche Rääht vöör Männer un Vraue weed van d Bewejung topless equality vortroone, kann ävver koom dörchjesatze wäde. Ön Ussnahm es dr Bundesstaat New York, wo ö Jericht entscheede had, dat jedde Vrau övverall ovve ohne römloufe darf.

Bara Bröst es ön Bewejung us Schwede, di vörsöckt, dat Räät vöör Vraue dörch z setze, ovve ohne ä Schwemmbäder schwemme z dörfe.

• Övver ovve ohne
• Dat Räät ovve ohne se z dörfe

 Commons: Ovve ohne – Album mit Bilder, Filemche un Tön op Wikimedia Commons