მეგა...

მეგა... (ინგლ. mega- < ძვ. ბერძნ. μέγας — „დიდი“; აღნიშვნა: მეგ, M) — ფიზიკური სიდიდის ერთეულის სახელწოდების თავსართი ერთეულთა საერთაშორისო სისტემაში. წარმოადგენს თავსართს იმ ჯერადი ერთეულების სახელწოდებათა შესაქმნელად, რომლებიც ოდენობით შეესაბამება 10⁶ (1 000 000, მილიონი) ამოსავალ ერთეულს.

წარმოშობილია ბერძნულიდან — μέγας (დიდი).

1873 წელს ერთეულთა CGS სისტემის მიერ მიღებულია ერთეულთა თავსართად.

• 1 მგვტ (მეგავატი) = 1000 კილოვატი = 1 000 000 ვატი.
• ერთი მეგატონა ტროტილი (გამოიყენება ბირთვული იარაღის სიმძლავრის გასაზომად ტროტილის ექვივალენტის გამოყენებით - 1 000 000 ტონა ტროტილი.
• მეგაჰერცი — ტელევიზიის და რადიოს ელექტრომაგნიტური გამოსხივების სიხშირე, GSM და სხვა... 1მგჰც = 1 000 000 ჰერცი.

• 1 Mm² აღნიშნავს ერთ კვადრატულ მეგამეტრს, ფართის ზომას 1 000 000 × 1 000 000 მ ან 10¹² მ² (და არა 1 000 000 × კვადრატული მეტრი)

კომპიუტერულ ტექნოლოგიებშიც მეგა... (mega-) აღნიშნავს 1 048 576 (2²⁰) ინფორმაციულ ერთეულს (მაგ. მეგაბაიტი), აგრეთვე აღნიშნავს 1 000 000 (10⁶) სხვა ერთეულს, მაგალითად, ინფორმაციის გადაცემის სისწრაფეს: 1 მეგაბიტი/წ = 1 000 000 ბიტი/წ

არაერთგვაროვანი აღქმის აღსაკვეთად აგრეთვე იყო მიღებული პრეფიქსი მები..., რომელიც 2²⁰ ტოლია, მაგრამ დიდ გავრცელებას ვერ ჰპოვა.

• ქართული საბჭოთა ენციკლოპედია, ტ. 6, თბ., 1983. — გვ. 534.

• [1] BIPM საიტი