Palanangan

Palanangan uga karan planangan, peli, utawa pénis (saka basa Latin kang tegesé "buntut") utawa pajaleran (ing basa Jawa Krama), kerep uga supaya luwih samar diarani manuk, iku sawijining organ èksternal (amarga papané ing jabané awak) minangka organ sèksual utawa wewadi lan organ réprodhuksi manungsa lanang.

Palanangan iki dalan banyu uyuh nalika urinasi lan dalan banyu mani utawa nalika éjakulasi. Palanangan bisa ngaceng (èrèksi : ing basa Indonesia) utawa modhot lan ukurané bisa ping pindhoné ukurané biyasa.

Palanangan manungsa dumadi saka telung kolom tissue biologi: loro corpus cavernosum kang jèjèr ing sisih dorsal lan siji corpus spongiosum kang dumunung ing antarané ing sisih véntral.

Pérangan pucuk corpus spongiosum kang luwih gedhé mbentuk gathèl (endhase palanangan), kang dilindhungi kulit karan ikut, kang tumraping wong diwasa bisa ditarik kanggo munculaké gathèl. Wewengkon ing ngisore palanangan, papan nèmpèlé kulit, diarani frènulum.

Urèter, minangka pérangan pungkasan saka saluran uyuh urinary tract, ngliwati corpus spongiosum, lan bukakané, diarani meatus (pocapan jroning basa Inggris /miːˈeɪtəs/), dumunung ing pucuking gathèl. Iki minangka dalan banyu uyuh lan banyu mani nalika éjakulasi. Banyu mani diprodhuksi sajeroning pringsilan lan disimpen ing èpididymis. Sajeroning éjakulasi, banyu mani disurung menyang vas deferens, rong saluran kang ngliwati samburiné impes. Cuwèran ditambahaké déning sèminal vesicle lan disaluraké liwat saluran ejaculatory duct ingkang nggabung karo urèter ing sajeroning klanjer prostat. Prostat lan uga klanjer bulbourethral nambahi sèkrèsi, lan banyu mani disemprotaké liwat palanangan.

Palanangan manungsa béda karo kang ana ing mamalia liyané, sebab ora duwé baculum, utawa balung ngaceng, lan gumantung marang engorgement nganggo getih supaya bisa ngaceng. Palanangan manungsa uga ora bisa ditarik lan dilebokaké sajeroning kanthong kulit (groin), lan ukurane luwih gedhé tinimbang rata-rata kéwan miturut proporsiné.

• Ereksi
• Vagina
• Rambut pubis

Wikimedia Commons duwé médhia ngenani Penis.

Look up penis in Wiktionary, the free dictionary.

• Kinsey Institute on the penis.