Geger

Geger iku wewengkon pérangan mburi (posterior) ing awak manungsa, wiwit saka ndhuwuring bokong munggah nganti dhuwuring gulu lan pundhak utawa bahu pérangan mburi. Laladan geger iki dumunung ing suwaliking dhadha, dhuwur utawa dawané ditemtokaké déning dawané balung geger (ing basa Inggris diarani spine utawa backbone). Rongga balung geger (spinal canal ana ing sadawaning balung geger lan diliwati saraf kanggo sakojur awak.

Pérangan tengah saka geger manungsa wujud vertebral column, kang dawané wiwit saka pérangan dhuwur thoracic vertebrae nganti pérangan ngisor saka lumbar vertebrae, kang duwé jaringan saraf spinal cord ing sajeroning gronggongan balung geger (spinal canal), lan kang lumrahé duwé lengkungan kang mènèhi wangun marang geger. Dhèrètan iga ana ing balung gegr wiwit saka pérangan dhuwur (pérangan paling dhuwur dhèrètan iga minangka T1 vertebra), mangisor nganti punjul setengah dawaning balung geger, ninggal laladan kang kurang kalindhungi antara pérangan ngisor iga nganti tekan panggul. Ambané geger ing sisih ndhuwur ditemtokaké d'ening balung walikat utawa scapula, balung kang rata ing pundhak.

Balung geger diwatesi déning sawatara golongan otot, kalebu otot intertransversarii muscle kang bisa gawé obahan antara saben vertebrae, lan otot multifidus spinae, kang marakaké balung geger kanthi sakabèhané bisa obah.

Otot liya ing geger ya iku otot kang kagandhèng karo obahan gulu lan pundhak. Otot trapezius, kang jenengé njupuk saka wanguné kang trapesium, mbentang wiwit saka gulu, anterior chain, kaloro pundhak, lan thoracic vertebra, T12. Latissimus dorsi kang amba minangka wangun wajik saka pundhak nganti tekan pinggul.

Wikimedia Commons duwé médhia ngenani Human backs.