O tü bel fittamaint

O tü bel fittamaint,
Sta a Dieu, tü ed ils teis,
Ch’eu sun intenzionà
E m’ha resolt aquà
5 Dad ir davent.

O tü il meis ’sche char,
Schi che ma t’ po mancar,
Cha tü voust ir davent
Usche dandettamaing;
10 Da ’m ad incler,

Vögl bella vit’am dar,
Sch’eu sun eir maridà.
Plü bön co ir sudà
Non poss eu chattar qua;
15 Non vögl plü star.

O char, perche fast quai,
Voust ir davent da mai;
O tü il meis ’sche char,
Schi che ma t’ po mancar,
20 Da trar davent.

Non sast, co cha’ ls mats fan?
Cur ch’els tut üna han,
Tscherchan da la snejar,
Per chi possan mütschar
25 E trar davent.

O char, o char cour char,
Dieu t’ vöglia bain müdar,
Cha tü possast star qua,
Con mai far nozzas bod,
30 Viver con mai.

Scha eu stovess qua star,
Schi stess eu lavurar,
Sco chi fan quels grands nars,
Aint in mias süors
35 Mangiar meis pan.

Inguott’hast qua da far,
Nemain da lavurar;
Qua poust tü spassegiar,
Con ils signuors mangiar,
40 O char, sta qua!

Dalet ha eu plü grand,
Cur chi ’s oda sunand
Las gias culs archets;
Trombettas con cornets
45 Fan m’allegrar.

Qua vainst tü bain a vair
E vainst zuond fich a ’t tmair,
Giand oura d’ün chanun
Con fö ’na balla d’ plom,
50 Va tras a tai.

L’ schlupet sbarrà dal bun,
Non tem brich ün chanun;
Eu am defender vögl
Incunter l’inimi
55 S-ch’ün grand barun.

Non t’impissar, tü char,
Cha tü possast sbarrar;
Con temma stast tü qua,
Bain bod vainst tü plajà;
60 Non rissiar.

Schabain ch’eu gniss plajà,
Schi meidis s’ chatta là,
Chi san perfet medgiar.
No ’m vögl brich stramantar,
65 Vögl far tschessar.

Non han brich tuots la sort
Da meidis gnir ’sche bod
Perfettamaing medgiats,
Restan zuond blers strupchats
70 Fin alla mort.

Meis patrun ais ün hom,
El porta ün grand nom,
Wachtmeister ais el stat,
Ed eu am ha finà
75 Per seis sudà.

Eu vögl pajar per tai
E dar tuot quai, ch’eu nai,
Be cha tü stettast qua,
Non giajast brich sudà,
80 Vivast con mai.

A qui non vögl eu star,
Schi stess il muond custar,
Ch’eu ha impromiss del bun;
Vögl far d’ün brav compagn,
85 Tender quai tuot.

Non poss brich con rovar
Inguott’eu our drizzar:
Scha tü voust bain star qua,
Schi vögl a tai bain dar
90 Tschinch milli rentschs.

No ’m far brich’inrüclar,
Uossa ha eu impromiss;
Sch’ tü ’m dessast tuot il tieu,
Eu non stun plü aquia,
95 Non rovar plü

Non güda con rovar,
Dieu’ t vöglia perchürar.
Non voust tü tour cumgià
Da teis amis aquà
100 Ant co ir davent?

O „b’hüet di Gott“di eu;
Che dess a tai cumprar?
Baintschert qualchosa d’ bè,
Vögl eu cumprar a te;
105 Di quai tü voust.

Sch’ tü voust cumprar a mai,
Schi cumpra’ m ün bel cranz
Da bindels albs e nairs,
Da dar allas mattans,
110 Chi ’m possan dar.

Quaists pleds no ’m van per sen,
Quaists pleds no’ m plaschan bain;
Di’ m tü, perche fast quai,
Voust trar davent da mai;
115 Che voul que dir?

Quai voul bain maniar,
Ch’in spazi dad ot dis
Poss eu davent tirar
Ed aint in tschel rivar
120 E là chantar.

Ah, laschast usche fich
Da mai increscher uossa?
Voust tü murir per quai
Usche dandettamaing?
125 O na, o na!

Non lasch increscher brich,
Pür va tü bain dalöntsch;
Pür cha tü giajast sü
E mai non tuornast plü;
130 No’ m menzionar.

Eu non di quai per led,
Ch’eu ha ’l plü grand dalet
In compagnia dad ir
Cols meis ’sche chars amis
135 Per meis plaschair.

Amis sch’ tü voust chattar,
Schi va cul banderal
In Hollanda del bun.
Tschert üna culla d’ plom
140 Va tras a tai.

Ed el la respondet:
Pür hajast ün pa d’ spet,
Cha in term dad ün an
Tuorn eu darcheu dal bun;
145 Pür va là sü.

Na, tü non tuornast plü,
Quai ch’eu a tai bain di.
Quant bod tü est là aint,
Spandast sang innozaint,
150 Non tuornast mai.

Sün quai el ais tirà,
In Frantsch’ais el rivà.
Quantbod ch’el ais stat aint,
Schi ha ’l fat testamaint,
155 Rendü sü’ l spiert.

Eu di a vus, chars mats,
Non giajat mass’a plaz,
La laschanti’ as fa
Impissar d’ir sudà
160 E trar davent.

Scha sudats volais entrar,
It ant co ’s maridar;
Perche vus ’vais vis qua
Bain co chi ais passà
165 Con quaist compagn.