Hainaut

Fáni	Skjaldarmerki
Upplýsingar
Höfuðborg:	Mons
Flatarmál:	3.786 km²
Mannfjöldi:	1.300.097 (1. janúar 2008)
Þéttleiki byggðar:	343/km²
Vefsíða:	[1][óvirkur tengill]
Lega

Hainaut (hollenska: Henegouwen, vallónska: Hinnot) er hérað í Belgíu. Það er í Vallóníu og er vestasta frönskumælandi hérað landsins. Höfuðborgin heitir Mons.

Hainaut liggur nokkuð vestarlega í Belgíu og á löng landamæri að Frakklandi í suðri. Fimm önnur belgísk héruð liggja að Hainaut: Vestur-Flæmingjaland, Austur-Flæmingjaland, Flæmska Brabant, Vallónska Brabant og Namur. Hainaut á eitt útsvæði aðeins fyrir vestan móðurlandið en það er svæðið Comines-Warneton sem er landlukt á milli Frakklands og Vestur-Flæmingjalands. Hainaut er 3.786 km² að stærð og er sem slíkt þriðja stærsta hérað Belgíu. Það er allt saman láglent og þar er stundaður mikill landbúnaður. Íbúar eru frönskumælandi.

Hainaut varð til árið 1795 er Frakkar hertóku Niðurlönd. Héraðið var þá innlimað í Frakkland og Frakkar bjuggu til sérstaka sýslu úr því og nærliggjandi svæði sem þeir kölluðu Jemmape. Þegar Frakkar hurfu úr landi eftir fall Napóleons 1814 varð Hainaut sérstakt hérað í konungsríki Niðurlanda. Þegar Belgía varð sjálfstætt ríki 1839 varð Hainaut að héraði í nýja landinu og hlaut þá núverandi landamerki. Heitið Hainaut er dregið af ánni Haine (Hene á hollensku).

Hainaut er skipt niður í sjö sýslur og 49 sveitarfélög. Stærstu borgir í Hainaut:

• Fyrirmynd greinarinnar var „Hennegau“ á þýsku útgáfu Wikipedia. Sótt 8. október 2012.
• Fyrirmynd greinarinnar var „Hainaut (province)“ á ensku útgáfu Wikipedia. Sótt 8. október 2012.

Wikimedia Commons er með margmiðlunarefni sem tengist Hainaut.