Euro
| Euro | |
|---|---|
 |
|
| Simbolo | € |
| Oficala Pekunio di: En Europana Uniono: Austria, Belgia, Chipro, Estonia, Finlando Francia, Germania, Grekia, Hispania, Irlando, Italia, Latvia, Lituania, Luxemburgia, Malta, Nederlando, Portugal, Slovakia e Slovenia. Adoptis depos kontrato kun Europana Uniono: Andora, Monako, Vatikano, San Marino, Mayotte, Santa Pierre e Mikelon. | |
| Inflaciono | 1.8 % (Fonto: Centrala Banko di Europa, 2006) |
Euro esas l'oficala valuto di 20 landi dil Europan Uniono. Olua simbolo esas €. Ol dividesas en 100 centimi. Ol emisesas dal Europana Centrala Banko.
Kande la valuto lansesis ye la 1ma di januaro 2002, l'unesma landi qui adoptis ol esis Austria, Belgia, Finlando, Francia, Germania, Grekia, Hispania, Irlando, Italia, Luxemburgia, Nederlando e Portugal. Slovenia adoptis euro ye la 1ma di januaro 2007. Malta e Chipro adoptis ol ye la 1ma di januaro 2008. Slovakia adoptis ol en la 1ma di januaro 2009. Estonia adoptis ol ye la 1ma di januaro 2011, Latvia adoptis ol ye la 1ma di januaro 2014, Lituania adoptis ol ye la 1ma di januaro 2015 e Kroatia adoptis ol ye la 1ma di januaro 2023
Kriterio por adoptar euro
redaktarPor adoptar euro, monetigar bankobilieti en euro e havar sideyo en Europana Centrala Banko, landi mustas satisfacar kriterii definita en la duesma versiono dil Mekanismo di Kurso Europana (ERM II). Ta mekanismo establisas, inter altri, la maxima procento de publika debo relate la TNP, e la maxima procento de yarala inflaciono (2,5%) quan ula lando povas havar ante remplasar lokala valuto per Euro. Bulgaria, Chekia, Hungaria, Polonia e Rumania esas obligata adoptar l'Euro, ed ante li mustos satisfacar ta kriterii. Dania e l'Unionita Rejio unlatere decidis ne adoptar Euro, e ca lasta mem decidis abandonar Europan Uniono. La habitantaro di Suedia votis duesmafoye ye la 14ma di septembro 2003 kontre l'eniro en la Eurozono.
Islando
redaktarKun la nestabileso dil Islandana krono, en 2008 la guvernerio di Islando komencis negociar eniro di Islando en la Europan Uniono por future uzar euro kom nacionala valuto.
Extera ligili
redaktar- Euro (bilieti) (Angla) (Germana)