Rano
Rani (singulare: rano) esas subgrupo di spinal animali (videz Zoologio) qui apartenas al ordeno di amfibii. Rani esas batraki qui naskas ek ovo en aquo, respiras dum lua yuneso tra brankii ma dum adulteso povas vivar anke sur tero.
Existas plua kam 3 000 speci di rani, exemple:
- Dendropsophus microcephalus
- Hylarana persimilis
- Rana temporaria
Rani vivas sur omna kontinenti ecepte Antarktika. Li ofte habitas tropikala e mez-varma regioni, e kelka mem rezidas en dezerti. La Rana sylvatica di Nord-Amerika povas vivar en la Arktika cirklo. Malgre to la habitantari di multa rano-specii diminutas pro kauzi, qui ne esas komprenata bone.
La rani multakaze depozas ovi en l'aqua, le maskula embracante le femina; le femina produktas ovi e le maskula fertiligas oli extere. Lia infanti esas larvi nomesante ran-larvi. Kande la rana infanti ekiras ek l'ovi, li respiras per brankii, havas longa kaudo ed indijas membri. Pose li developas membri (erste gambi) e pulmoni e perdas sua kaudo.
On ofte distingas kustumale inter la rani e la rospi, qui havas veruki, ma ca distingo ne esas sciencala.
Rani en la socio
[redaktar | redaktar fonto]Por ke rani esas distanta animali, li ofte aparas en kultural expresuri. Tre famoza exemplo esas la ranoprinco, qua divenas homoprinco pos kisesar.
Rani en teatraji
[redaktar | redaktar fonto]La komedio La Rani (Βάτραχοι) di Aristophanes inkluzas koro di rani, qua vexas la heroo Dionysos per la refreno di sua korokanto, Βρεκεκεκέξ κοάξ κοάξ Brekekekex koax koax.