Listaan dagiti sona ti oras ti militar
Daytoy ket ti listaan dagiti sona ti oras a kas inus-usar babaen ti militar ti Estados Unidos ken dagiti dadduma pay. Dagiti nagan ket naibatay iti alpabeto a ponetiko ti NATO (nga adda ti dua a pannakabaliw ti panangiletra: Alpha para iti "Alfa", Juliet para iti "Juliett").
Mapan iti daya manipud ti kangrunaan a meridiano idiay Greenwich, dagiti letra ti Alpha aginggana ti Mike (malabsan ti "J", kitaen dita baba) ket inus-usar para kadagiti 12 a sona a nangruna nga addaan kadagiti posotibo a timbengan ti UTC aginggana no maabot ti Linia ti Internasional a Petsa. Mapan iti laud idiay Greenwich, dagiti letra ti November aginggana ti Yankee ket inus-usar para kadagiti sona nga addaan kadagiti negatibo a timbengan ti oras.
Ti sistema ket nagtaud manipud ti Praktikal a Nabigador ti Amerikano ti 1802 ni Nathaniel Bowditch a dagiti sona ti oras ket namarkaan kadagiti letra:[1] ti letrar "J" ket linabsan tapno maliklikan ti pannakaallilaw iti "I" (kadawyan iti dayta a anawen) ken gapu ta adda met dagii alpabeto nga awan ti kasta (kas ti siriliko).
Ti letra J ("Juliet"), ket kasisigud idi a nalabsan, ngem itan ket naus-usar a panangibaga ti oras ti agpalpaliiw.[2]
Ti letra Z ("Zulu") ket mangipakpakita ti Natimbeng nga oras ti Greenwich (GMT) wenno ti Panagpapada ti Sangalubongan nga Oras (kitaen ti UTC±00:00).
Maus-usar dagitoy a kakuyog ti oras ti militar: kas pagarigan, ti 6:00 a.m. iti sona UTC-5 ket naisurat a iti "0600R" ken naisasao a kas "zero six hundred Romeo".
Ti panag-usar ti Sona ti militar para iti internet ket naipalawag iti RFC 822, ken mabirukan idiay IETF.org.
| Nagan ti sona ti oras | Letra | Timbengan ti UTC |
|---|---|---|
| Alpha | A | UTC+01:00 |
| Bravo | B | UTC+02:00 |
| Charlie | C | UTC+03:00 |
| Delta | D | UTC+04:00 |
| Echo | E | UTC+05:00 |
| Foxtrot | F | UTC+06:00 |
| Golf | G | UTC+07:00 |
| Hotel | H | UTC+08:00 |
| India | I | UTC+09:00 |
| Kilo | K | UTC+10:00 |
| Lima | L | UTC+11:00 |
| Mike | M | UTC+12:00 |
| November | N | UTC−01:00 |
| Oscar | O | UTC−02:00 |
| Papa | P | UTC−03:00 |
| Quebec | Q | UTC−04:00 |
| Romeo | R | UTC−05:00 |
| Sierra | S | UTC−06:00 |
| Tango | T | UTC−07:00 |
| Uniform | U | UTC−08:00 |
| Victor | V | UTC−09:00 |
| Whiskey | W | UTC−10:00 |
| X-ray | X | UTC−11:00 |
| Yankee | Y | UTC−12:00 |
| Zulu | Z | UTC±00:00 |
Kitaen pay
[urnosen | urnosen ti taudan]Dagiti nagibasaran
[urnosen | urnosen ti taudan]- ^ Nathaniel Bowditch, Praktikal a Nabigador ti Amerikano, Kapitulor 18 "Oras", Paset 1806 "Sona ti Oras".
- ^ "Pagbaliwen ti Oras ti Militar ken dagiti Karta ti Sona ti Oras". Naala idi 2013-09-23.
- RFC 822 --"ALAGADEN PARA ITI PORMAT KADAGITI TESTO TI MENSAHEN TI INTERNET TI ARPA" (sinukatan babaen ti Teksto ti RFC2822)
- Sona ti Oras ti Militar/NATO/Letra
- Batayan dagii Publiko a Linaon ken dagiti Sona ti Oras ti Militar