Sviatlana Cikhanovskaya
| Sviatlana Cikhanovskaya | |
|---|---|
 | |
| Land | Bielorussia |
| Nascentie | 11 de septembre 1982 in Mikashavichy, Republica Socialist Soviet de Bielorussia |
| Ocupation | Traductor, politico |
Sviatlana Cikhanovskaya (bielorussian: Святлана Ціханоўская, russ: Светлана Тихановская) es un féminin politico de Bielorussia. Ella nascet li 11 de septembre 1982 in Mikashavichy quam Sviatlana Heorgievna Pilipchuk e esset li candidate del oposition contra li actual presidente Aleksandr Lukashenko in li electiones presidential 2020. Sviatlana Cikhanovskaya ne es membre de un political partise.
Personal e professional vive
[modificar | redacter fonte]Sviatlana Cikhanovskaya studiat pedagogica in Masyr. Pos to ella laborat quam traductora por anglesi e german inter altri por li irlandesi organisation Chernobyl Life Line. Ella es maritat con li prominent video-blogist Siarhei Cikhanovski e li cuple have un filio e un filia.
Political cariera
[modificar | redacter fonte]- 2020 Siarhei Cikhanovski, qui es li marito de Sviatlana Cikhanovskaya, volet esser un candidate del oposition electiones presidential 2020 de Bielorussia por li oposition, ma il esset arestat li 29-im de may 2020. Pro to Sviatlana Cikhanovskaya declarat su candidura por ti electiones.
Secun li oficial resultates ella solmen recivet 9 percentes, ma secun ínoficial resultates Sviatlana Cikhanovskaya ganiat li electiones con plu quam 50 percentes. Li 11-im de august 2020 Sviatlana Cikhanovskaya fugit de Bielorussia a Lituania. In Bielorussia evenit pos li electiones grand demonstrationes contra Aleksandr Lukashenko pro li falsification del resultates del electiones e li brutalité del policistes contra li demonstrantes. Ella demanda nu nov electiones, ma ne vole esser denov un candidate in ti electiones.