Josef Blatter

Josef "Sepp" Blatter es un sport-functionario de Svissia. Il nascet li 10-im de marte 1936 in Visp e il esset del annu 1998 til li annu 2015 presidente del organisation mundal de football FIFA.

Blatter nascet quam filio de un auto-mechanico. Il studiat in Lausanne economie. Blatter finit su studies in li annu 1958 con li diploma. Il esset activ footbalist in li Svissia inter 1948 e 1971, ma ludet solmen inferiori ligas e ne in un professional club.

Inter 1959 e 1964 Blatter esset secretario del turisme-union de Wallis. Inter 1968 e 1975 il laborat por li horloge-firma Longines quam director del publicitá.

Josef Blatter esset trivez maritat e un adult filia ex su unesim maritage.

• 1964-1966 Central-secretario del Sviss Asociation de hockey sur glacie.
• 1966-1968 Chef del presse del Asociation del Sviss sport organisationes.
• 1970-1975 Membre in li directoratu del football-club Neuchâtel Xamax.
• 1975-1981 Director por developament-programmes organisation mundal de football FIFA.
• 1981-1998 General-secretario del FIFA sub li presidente João Havelange.
• 1998 Josef Blatter es electet quam presidente de FIFA quam successor de João Havelange li 8-im de junio 1998.
• 2015 Blatter anunciat pos du re-election pro accusationenes de coruption su demission e in li decembre 2015 li comission de etica de FIFA bannit Blatter por ott annus a omni activitás del international football. Blatter anc devet payar un punition pecuniari de 50.000 sviss francs.
• 2016 Li ban de omni activitás de international football es reductet a six annus, ma li 26-im de februar 2016 Gianni Infantino es electet quam successor de Blatter quam presidente de FIFA.

Blatter es criticat por coruption in li FIFA e un sistema de clientelisme, ma il augmentat mult li profite del organisation.