Adobe Animate
 | |
|---|---|
| Տեսակ | մուլտիմեդիա |
| Հեղինակ | Macromedia, FutureWave Software |
| Նախագծումը՝ | Adobe Systems |
| Գրված է՝ | C++ |
| ՕՀ | Microsoft Windows, macOS |
| Առկա է | բազմալեզու |
| Լույս տեսավ՝ | 1996 Մայիսին |
| Պլատֆորմ | Microsoft Windows |
| Վերջին կայուն տարբերակ | 21.0.1 (2020 Դեկտեմբերին) |
| Կարդագող ֆայլերի ֆորմատ | FLA |
| Ստեղծվող ֆայլերի ֆորմատ | FLA |
| Զարգացման կարգավիճակ | Ակտիվորեն զարգանում է |
| Արտոնագիր | Վճարովի բաժանորդագրություն |
| Նախորդ | Fl |
| Հաջորդ | Adobe Animate |
| Կայք | www.adobe.com/animate |
 Adobe Animate Վիքիպահեստում | |
Adobe Animate (նախկինում՝ Adobe Flash Professional, Macromedia Flash և FutureSplash Animator) մուլտիմեդիա և համակարգչային անիմացիոն ծրագիր է, որը մշակվել է Adobe Systems-ի կողմից։
Adobe Animate-ը կարող է օգտագործվել վեկտորային գրաֆիկա և անիմացիաներ ստեղծելու համար՝ հեռուստատեսային ծրագրերում, առցանց տեսանյութերում, կայքերում, վեբ հավելվածներում և տեսախաղերում հրապարակելու համար։ Ծրագիրը նաև աջակցում է bitmap գրաֆիկայի, հարուստ տեքստի, աուդիո և վիդեո ներդրման և ActionScript սկրիպտների։ Շարժապատկերները կարող են հրապարակվել HTML5, WebGL, SVG և հին Flash Player (SWF) և Adobe AIR ձևաչափերով[1]։
Առաջին անգամ թողարկվել է 1996 թվականին որպես FutureSplash Animator, իսկ ավելի ուշ վերանվանվել է Macromedia Flash՝ Macromedia-ի կողմից ձեռք բերելուց հետո։
2016-ին վերանվանվել է Adobe Animate-ը, որպեսզի ավելի լավ արտացոլի իր դիրքը շուկայում, քանի որ Animate-ում ստեղծված բովանդակության ավելի քան մեկ երրորդն օգտագործում է HTML5[2]:
Պատմություն
[խմբագրել | խմբագրել կոդը]Adobe Flash/Adobe Animate-ի առաջին տարբերակը եղել է վեկտորային գրաֆիկայի և վեկտորային անիմացիայի FutureSplash Animator ծրագիրը, որը թողարկվել է 1996 թվականի մայիսին։ FutureSplash Animator-ը մշակվել է FutureWave Software-ի՝ փոքր ծրագրային ապահովման ընկերության կողմից, որի առաջին SmartSketch արտադրանքը ձեռքի համակարգիչների համար վեկտոր նկարելու ծրագիր էր։ Հետագայում այն տեղափոխվեց Microsoft Windows, ինչպես նաև Mac OS: 1995 թվականին ծրագրին ավելացվեցին անիմացիոն առանձնահատկությունները և ստեղծվեց վեկտորային անիմացիոն հարթակ համաշխարհային ցանցի համար, որից հետո ստեղծվեց FutureSplash Animator-ը։ FutureSplash անիմացիոն տեխնոլոգիան օգտագործվել է մի քանի հայտնի կայքերում, ինչպիսիք են MSN-ը, The Simpsons-ի պաշտոնական կայքը և The Walt Disney Company-ի Disney Daily Blast[3]:
1996 թվականի դեկտեմբերին Macromedia-ն գնեց FutureWave-ը և ներկայացրեց արտադրանքը Macromedia Flash ապրանքանիշի ներքո, որի տակ թողարկվեց ութ տարբերակ։ Adobe Systems-ը ձեռք բերեց Macromedia-ն 2005 թվականին և վերաբրենդավորեց Adobe Flash Professional-ը՝ բաժանվելու համար Adobe Flash Player-ից։ Ծրագիրը ներառված էր Creative Suite-ի արտադրանքներում՝ CS3-ից մինչև CS6, մինչև Adobe-ը լքեց Creative Suite շարքը՝ հօգուտ Creative Cloud-ի (CC)[4]:
2015 թվականի դեկտեմբերի 1-ին Adobe-ը հայտարարեց, որ ծրագիրը կվերանվանվի Adobe Animate հաջորդ հիմնական թարմացման ժամանակ։ Այս քայլը Adobe Flash Player-ի աջակցությունը դադարեցնելու ծրագրերի մի մասն է։ Առաջին տարբերակը նոր անունով թողարկվել է 2016 թվականի փետրվարի 8-ին[5]։
Ծանոթագրություններ
[խմբագրել | խմբագրել կոդը]- ↑ Flash is Dead, Long Live Adobe Animate CC.
- ↑ «The death of Adobe’s Flash is lingering, not sudden».
- ↑ ««The Flash History»». Արխիվացված է օրիգինալից 2018 թ․ օգոստոսի 2-ին. Վերցված է 2017 թ․ հոկտեմբերի 8-ին.
- ↑ «Adobe Launches Animate CC, Previously Known As Flash Professional».
- ↑ «Flash Professional переименуют в Adobe Animate CC». Արխիվացված է օրիգինալից 2017 թ․ հոկտեմբերի 8-ին. Վերցված է 2022 թ․ փետրվարի 21-ին.
 | Վիքիպահեստն ունի նյութեր, որոնք վերաբերում են «Adobe Animate» հոդվածին։ |
| ||||||
