Sebastian Kurz

Sebastian Kurz (* 27. awgusta 1986 we Wienje) je awstriski politikar Awstriskeje ludoweje strony (ÖVP), kiž bě wot 7. januara 2020 hač do 11. oktobra 2021 k druhemu razej zwjazkowy kancler republiki Awstriskeje. Hižo wot 18. decembra 2017 hač do 28. meje 2019 bě jako naslědnik Christiana Kerna (SPÖ) w tutym zastojnstwje skutkował. Do toho bě hižo wot meje 2017 stronski předsyda ÖVP. Wón nawjedowaše knježerstwowu koaliciju z ÖVP a prawicarskeje FPÖ a běše najmłódši šef knježerstwa w Europje. Do toho bě wot 2013 do 2017 wonkowny minister Awstriskeje w kabineće kanclera Kerna.

Po tym, zo zdoby ze swojej „Lisćinu Sebastian Kurz – nowa ludowa strona“ při wólbach do nacionalneje rady najwjace hłosow, dósta wot zwjazkoweho prezidenta Van der Bellena nadawk, knježerstwo wutworić. Dnja 15. decembra wozjewištaj Kurz a předsyda FPÖ, Heinz-Christian Strache, program zhromadneho knježerstwa. Jedna so wo druhe zwjazkowe knježerstwo z wobdźělenjom FPÖ. Tute rozłama po wozjewjenju w lěće 2017 tajnje sfilmowaneho wideja, pokazowaceho Strache a frakciskeho předsydu FPÖ w rozmołwje z pozdatnej sotrowču ruskeho oligarchu, při čimž jednaštaj wonaj z njej wo přidźělenju statnych nadawkow po wólbach a móžnym nakupje popularnych nowin Kronen Zeitung za wólbny bój.

W běhu přepytowanjow dla móžneho překřiwjenja złoži w oktobrje 2021 swoje zastojnstwo jako zwjazkowy kancler. Z jeho naslědnikom sta so Alexander Schellenberg.

 Commons: Sebastian Kurz – Zběrka wobrazow, widejow a awdiodatajow

• Oficielna webstrona

Zwjazkowi kanclerojo Awstriskeje (2. republiki)

Karl Renner (1945) | Leopold Figl (1945–53) | Julius Raab (1953–61) | Alfons Gorbach (1961–64) | Josef Klaus (1964–70) | Bruno Kreisky (1970–83) | Fred Sinowatz (1983–86) | Franz Vranitzky (1986–97) | Viktor Klima (1997–2000) | Wolfgang Schüssel (2000–07) | Alfred Gusenbauer (2007/08) | Werner Faymann (2008–16) | Reinhold Mitterlehner (2016) | Christian Kern (2016/17) • Sebastian Kurz (2017–19) • Brigitte Bierlein (2019/20) • Sebastian Kurz (2020/21) • Alexander Schallenberg (2021) • Karl Nehammer (2021– )