The Fox and the Hound (noaskeeal)

She noaskeeal voish y vlein 1967 eh The Fox and the Hound va screeuit liorish y noaskeealagh Americaanagh Daniel P. Mannix as daahit liorish John Schoenherr. Ta'n noaskeeal geiyrt er bea Tod, shynnagh ruy va troggit ec dooinney 'sy chied vlein jeh'n vea echey, as Copper, moddey lieh--choo folley t'ayns shelloo shelgeyr ynnydagh, as yn ennym Master ("Mainshtyr") bronnit er. Erreish da ren Tod cur bun rish baase y choo share ec y vainshtyr, ta'n dooinney as e voddey geiyrt as shelg y shynnagh, fo cooylrey cruinney deiney caghlaaee as bea cadjin Tod as eh shelg bea, shirrey sheshey, as coadey yn thalloo echey. As eh gaarlaghey eh hene roish screeu yn lioar, ren Mannix studeyrys er shynnee, meein as oaldey, keirdeeaghtyn shelg eigsoylagh, as ny bollee ta cooyn shelg shynnee, dy hickyraghey aght rieughagh ny karacteyryn echey.

Ren y noaskeeal cosney yn Dutton Animal Book Award ayns 1967, as, rere shen, hie eh magh er ny hoilshaghey magh er 11 Mean Fouyir jeh'n vlein cheddin liorish E.P. Dutton. She reihys y Reader's Digest Book Club eh ayns 1967 as cosneyder yn Athenaeum Literary Award. Ren cremeyderyn cur ard-voylley da mynphaartyn v'ayn as da aght screeuee Mannix. Chionnee Walt Disney Productions ny kiartyssyn scannane tra ren eh cosney aundyr Dutton, agh ren ad goaill toshiaght rish gientyn y scannane agh ayns 1977. Ga dy row ceaghlaghyn mooarey ayn 'sy scannane nagh row 'sy noaskeeal, hie The Fox and the Hound liorish Disney er ny skeaylley magh ayns theateryn ayns Jerrey Souree 1981 as haink er dy ve feer rahoil.