[go: up one dir, main page]
More Web Proxy on the site http://driver.im/Jump to content

Tinchy Stryder

From Wikipedia
Tinchy Stryder
human
Ein sex anaa gendermale Edit
Country wey e be citizenUnited Kingdom Edit
Name wey dem give amTinchy Edit
Family nameStryder Edit
PseudonymTinchy Stryder Edit
Ein date of birth10 June 1987, 14 September 1986 Edit
Place dem born amAccra Edit
Languages edey speak, rep anaa signEnglish Edit
Educate forUniversity of East London, St Bonaventure's RC School Edit
ResidenceLondon Edit
Work period (start)1997 Edit
Instrumentvoice Edit
DiscographyTinchy Stryder discography Edit
Record labelTakeover Entertainment Edit
Dema official website Edit
Copyright status as creatorworks protected by copyrights Edit

Kwasi Esono Danquah III[1][2][3] (/ˈkweɪsi dæŋˈkwɑː/ KWAY-see dang-KWAH; dem born am 14 September 1986),[4][5] alias Tinchy Stryder, be Ghanaian-British rapper, singer, songwriter, entrepreneur den investor.

Stryder release three solo studio albums, Star in de Hood (2007), Catch 22 (2009), den Third Strike (2010). Stryder's business ventures wey dey include de clothing line Star in de Hood, de Cloud 9 X Goji headphone den audio equipment range wey dey collaboration plus Goji Electronics.[4][6][7]

Ein Early life den Education

[edit | edit source]

Dem born Stryder plus de name Kwasi Danquah for Accra, Ghana for 1986 insyd.[8]

Stryder live for England wey dey United Kingdom since 1995.[9] For Bow, London, he attend St Bonaventure's Catholic School wey dey near Forest Gate, Newham; He get ein B.A. (Hons) for Digital arts insyd, Moving image den Animation for University of East London.[10][11] He start dey make music for 1997 insyd, wey na he be 11 years, wey he start ein business almost immediately afta say he complete ein A-levels for 2006 insyd.

Ein Music Career

[edit | edit source]

Stryder's recordings date back go 1998. He appear for 2000 insyd for pirate radio along plus Dizzee Rascal den Wiley, wey na ebi part of grime collective den record production team Ruff Sqwad from 2001.[12][13] Ein pseudonym Tinchy Stryder derive from de video game Strider den from de nickname wey dem give am "Tinchy": Ein height at 5 ft 3 in (1.60 m).[9][14][15]

For 2002 insyd, Wiley found de grime group Roll Deep wey dem include Stryder den Dizzee Rascal. Na dem dey make music wey be derivative of garage. For sam while, na dem no get name give am saf. Na de name "grime" be one wey dey stuck. As na he dey perform plus Roll Deep, Stryder perform sam songs wey dey include "U Were Always" for 2002 insyd, wey he release am sam years later for Roll Deep demma compilation album Street Anthems top for 2009 insyd. He san perform for Roll Deep demma 2004 mixtape insyd, Creeper Vol. 2.[16]

Ein Business Ventures den Endorsements

[edit | edit source]

For September 2006 insyd, Stryder create de clothing brand Star in de Hood, wey he name am afta ein pseudonym "Star In The Hood".[14] For June 2010 insyd, he align Takeover Entertainment Limited, plus entertainment powerhouses Roc Nation LLC den Live Nation, wey he san create Takeover Roc Nation. De joint venture end for 2013 insyd but he remain close to Roc Nation.

For December 2008 insyd, Stryder create ein own global publishing company, Takeover/Cloud 9 by sam joint venture plus EMI division EMI Music Publishing.

For 8 November 2011 insyd, Honda ein motorbike division hire Stryder for demma pan-European campaign. Na de campaign wey feature Stryder nu, ebi Facebook, Inc. wey support am, den sam tie-up plus fashion brand GAS so say dem go push de Vision 50, Honda ein 50cc entry level scooter. Dem launch de Vision 50 for 8 November 2011 insyd for de EICMA (Milan Motorcycle Show) wey dey Milan, Italy along plus six oda bike models.

For June 2012 insyd, Danquah release sam line of consumer electronics. De Goji Electronics line dey consist of de brand of headphones, Goji Tinchy Stryder, de Goji On Cloud 9 Audio equipment, sam circumaural headphone, sam on-ear headphone, sam in-ear headphone, sam series of HD over-ear headphones, sam supra-aural headphone, travel speakers, dem consumer electronics wey dey include tablet computer, netbook den smartphone accessories. Ebi DSG International plc wey distribute de headphones. DSG International wey Danquah announce de deal for June 2012 insyd. De Goji Electronics consumer electronics den audio equipment, wey dem dey bell am Goji Tinchy Stryder den Goji On Cloud 9, be available for sale mid-July 2012 insyd wey ebi DSG International plc subsidiaries across Europe den Pixmania wey dey distribute dem globally.

Ein Life matter

[edit | edit source]

Stryder reveal for January 2010 insyd say na he dey want turn footballer for ein youthful age insyd. Na Stryder be left-footed player wey play as striker or second striker, wey na he enrol for academy of Wimbledon F.C. from 2000 go 2003 den na ein youth team be Leyton Orient F.C. from 2003 go 2006. Stryder get kiddie (daughter), wey ein name be Arabella, plus ein fiancée Amba Miller. For May 2021 insyd, dem born kiddie (son).

Ein Charity Work

[edit | edit source]

For Thursday 4 November 2010 insyd Stryder attend de O2 Shepherd's Bush Empire for England, for Alicia Keys' charity Keep a Child Alive charity ball den auction, along plus oda special guests. Dem donate all proceeds den auctions wey cam from de event give Keep a Child Alive (KCA). Stryder san dey donate income from Goji Electronics give charity people.

Ein Discography

[edit | edit source]

Studio albums

  • Star in de Hood (2007)
  • Catch 22 (2009)
  • Third Strike (2010)
  • 360º / The Cloud 9 LP (2016)

References

[edit | edit source]
  1. ↑ https://beta.companieshouse.gov.uk/company/07890855/officers
  2. ↑ https://www.telegraph.co.uk/culture/music/music-news/9087309/World-of-Tinchy-Stryder-grime-artist.html
  3. ↑ http://www.theguardian.com/music/2012/mar/24/tinchy-stryder-saturday-interview
  4. ↑ 4.0 4.1 https://www.independent.co.uk/arts-entertainment/music/features/the-prince-of-grime-comes-of-age-2033165.html
  5. ↑ http://news.bbc.co.uk/1/hi/entertainment/8020009.stm
  6. ↑ http://www.pressparty.com/pg/profile/Tinchystryder
  7. ↑ http://www.mtv.co.uk/artists/tinchy-stryder
  8. ↑ Smith, Sean (21 June 2012). https://books.google.com/books?id=S07rnffsZi4C&q=%22Kwasi+Danquah%22+born+Accra%2C&pg=PP36 Simon and Schuster. ISBN 9781847378736.
  9. ↑ 9.0 9.1 https://www.theguardian.com/music/2012/mar/24/tinchy-stryder-saturday-interview
  10. ↑ https://www.theguardian.com/education/2009/aug/20/tinchy-stryder-university-east-london
  11. ↑ https://web.archive.org/web/20101201064434/http://uel.ac.uk/news/press_releases/running.htm
  12. ↑ https://web.archive.org/web/20120402031808/http://www.islandrecords.co.uk/group_artists.php?id=122
  13. ↑ http://www.contactmusic.com/news/key-mentor-jayz_1155025
  14. ↑ 14.0 14.1 https://www.theguardian.com/music/2009/jul/25/tinchy-stryder-rapper
  15. ↑ https://twitter.com/TinchyStryder/status/238632476015198209
  16. ↑ https://web.archive.org/web/20080828100523/http://www.rolldeep.co.uk/wileyint.html
Dem retrieve am from "https://gpe.wikipedia.org/w/index.php?title=Tinchy_Stryder&oldid=39353"