Kolónia ñembopoguy

Kolónia ñembopoguy ha'e oñemomba'évo ha oñembojáravo tetã pytagua peteĩ tetã ambuévare ha ojapóvo upépe ikoloniarã, ha'éva táva térã tekohaguasu imba'éva. Tetã oñembopoguýva nahekosãsóiva ha oisãmbyhy hese mburuvicha pytagua. Tetãyguakuéra oñembopoguýva katu ohasa'asy, jepivénte ojehecha hikuái yvy'ỹre ha tekoiterape'ỹre.^[1]

Tetã pytagua ondyry ha oñemomba'epa tetã ambuévare, oipuruparei ijyvy ha oporombohasa'asy, oikohaguéicha Amérikape, oguahẽrõguare Epáña ha Poytuga oñemomba'ekuévo Amerikaygua ypykuévare, térã oporomomba'aporei avei, oikohaguéicha Áfrikape, umi tetã guasu Európa pegua oñembojárarõguare tapichakuérare ha ojapo chugui tembiguái. Jepémo heta umi ojepytasóva ha ohekáva isãsorã, amo sa'ary XIX ha XX pukukuévo ojehecha oparupi ho'ávo umi oñembopoguýva, tuichaitépe opa rire Ñorairõ Guasu Mokõiha.^[2]

Kolónia ñembopoguy ndaha'éi ko ko'ágã jahechaite hérava "kolónia ñembopoguy pyahu" (neocolonialismo), kóva ko he'iséva nondyrýivo ha noñorairõvo tetã pytagua tetã ambuévare, ipu'aka oisãmbyhývo ñemu rupive térã oguerovapa iñarandupy ha hembiapo tetã itenonde'ivévape, upéicha oñembopoguy tetã ambuévare ñemu ha arandupy rupive.