Xurxo Souto

Xurxo Souto

Biografía
Nacemento	25 de xullo de 1966 (58 anos) A Coruña, España
Educación	Universidade de Santiago de Compostela
Actividade
Ocupación	escritor, acordeonista, actor, cantante, músico, locutor
Instrumento	Acordeón

Xurxo Manuel Souto Eiroa, máis coñecido como Xurxo Souto, nado na Coruña o 25 de xullo de 1966, é escritor, músico, locutor galego.^[1]

Licenciado en Filoloxía Clásica pola Universidade de Santiago de Compostela. Foi o líder e vocalista da banda de rock Os Diplomáticos de Monte-Alto entre 1990 e 2001, e gran difusor da música galega de agora e sempre. Outra das súas facetas a destacar é a de escritor. Ademais de ter sete libros publicados, ten colaborado con artigos en diferentes publicacións, como a revista Bravú.

Dende 1986 comezou a traballar en diversos programas de radio en galego, sendo o máis coñecido e lonxevo A tropa da tralla, xunto a Aberto por reformas e Mil ribeiras, na Radio Galega. Desde outubro de 2005 até abril de 2009 foi Director de Programas desta emisora. Tamén participou en Sitio Distinto (Antón Reixa) e o Luar da TVG.^[2]

No eido audiovisual dirixiu a serie de programas Repichoca, sobre música popular, para a TVE en Galicia; a película documental Pucho Boedo, un crooner na fin do mundo e o documental Dos gaiteiros do mar.

Alén de Os Diplomáticos de Monte-Alto, tocou -voz e acordeón- no conxunto Os Tres Trebóns e mais en Banda Xangai.

En outubro de 2003 participou, xunto con Manuel Rivas, na reinauguración^[3] da emisora comunitaria Cuac FM (A Coruña), da que ambos se converteron en padriños e socios de honra.

Tamén traballou como actor en producións galegas como a serie de éxito Mareas vivas ou o telefilme Entre bateas, de Jorge Coira.

Foi colaborador do periódico coruñés La Opinión e participou, como socio promotor, no nacemento do xornal Nós Diario, no que fai parte do seu consello de administración.

Foi profesor de secundaria no IES Val de Tea de Ponteareas e en 2022 no IES Gregorio Fernández de Sarria.^[4]

• A tralla e a arroutada (1995). Vigo: Xerais, Col. Ferros. 131 páxs. ISBN 84-7507-929-6.
• Fumareu (1997). Vigo: Xerais, Col. Ferros. ISBN 9788483021378 (2ª).
• O retorno dos homes mariños (1999). Vigo: Xerais. Reeditado en 2021: 144 páxs. ISBN 978-84-9121-819-7. ePub: ISBN 978-84-9121-816-6.
• Tres trebóns (2005). Vigo: Xerais. 160 páxs. ISBN 978-84-9782-327-2. 5 relatos.
• Contos do mar de Irlanda (2014). Vigo: Xerais. 328 páxs. ISBN 978-84-9914-699-7. eBook: ISBN 978-84-9914-725-3 (6ª ed.).
  • Cuentos del mar de Irlanda (2016). Pulp Books.^[5]
• A gran travesía de Chiruca Macallás (2018). Xerais. 160 páx. ISBN 978-84-9121-447-2.^[6]

• Contos da Coruña (2001). Vigo: Xerais, Crónica, Memoria.^[7] 264 páxs. ISBN 978-84-9782-633-4 (6ª ed.).
• Pangalaica (2020). Vigo: Galaxia. Recompilación de artigos publicados en Nós Diario. 96 páxs. ISBN 978-84-9151-561-6.

• O mar de adentro (1990). Edicións do Dragón.
• Unha liña no ceo (58 narradores galegos 1979-1996) (1996). Vigo: Xerais. Relato.
• A aldea terremota (1998). COAG. Relato.
• Mini-relatos (1999). Libraría Cartabón. Relato.
• Materia prima (2002). Vigo: Xerais. Relato.
• Narradio: 56 historias no ar (2003). Vigo: Xerais. Relato.
• Manuel María: fotobiografía sonora (2005). Ouvirmos. Ensaio.
• Cartafol poético para Alexandre Bóveda (2006). Espiral Maior. Poesía.
• Polifonías II. Voces poéticas contra a violencia de xénero (2007). Espiral Maior. Poesía.
• Celso Emilio Ferreiro. Fotobiografía sonora (2008). Ouvirmos. Ensaio.
• Lois Pereiro: fotobiografía sonora (2010). Ouvirmos. Ensaio.
• A terra queima (2013). Vigo: Xerais. 56 páxs. Infanto xuvenil. ISBN 978-84-9914-560-0.

• 2010: Premio Leixaprén pola promoción da lingua galega.
• 2014: Premio Irmandade do Libro ao mellor libro de 2014, por Contos do mar de Irlanda.^[8]
• 2019: Premio Facer País da Asociación Val do Láncara.^[9]
• 2019: Arrraiano Maior.^[10]
• 2021: Bos e xenerosos (con Elena Ferro e Henrique Peón), Fundación Eduardo Pondal.^[11]

Wikimedia Commons ten máis contidos multimedia na categoría:  Xurxo Souto