Xeve, Pontevedra

Santo André de Xeve
Antiga casa consistorial
Concello	Pontevedra[1]
Provincia	Pontevedra
Coordenadas	42°27′45″N 8°35′02″O / 42.4625, -8.58388889
Área	11,01 km²
Poboación	1.066 hab. (2017)
Densidade	96,82 hab./km²
Entidades de poboación	6[1]
[ editar datos en Wikidata ]

Santo André de Xeve é unha parroquia que se localiza no concello de Pontevedra. Segundo o padrón municipal de 2017 tiña 1.066 habitantes (560 mulleres e 506 homes), distribuídos en 6 entidades de poboación, o que supón unha diminución en relación ao ano 2004 cando tiña 1.219 habitantes. Até 1944 pertenceu ao concello de Xeve como concello independente, aínda que agora pertence ó de Pontevedra. Nesta parroquia naceu a escritora Fina Casalderrey.

A parroquia sitúase no nordeste da cidade e linda con Santa María de Xeve, Mourente, Bora, así como co veciño concello de Cerdedo-Cotobade.

Na parroquia emprázase o campo de tiro de Cernadiñas Novas, onde se celebran competicións nesta modalidade deportiva. Destacan a igrexa parroquial (do século XVI e reformada no XVII), a casa reitoral, situada nas súas inmediacións, e a capela de san Roque.

O patrón da parroquia é santo André e a súa festa celébrase o día 30 de novembro. Tamén se celebran os días de san Roque, do Santísimo (no primeiro domingo despois do Corpus Christi) e da Virxe do Carme (o terceiro domingo de agosto).

Os dous refráns seguintes foron recollidos por Bouza Brey^[2] aplicados ós afamados canteiros de Xeve e da parroquia estremeira de Bora. Explica que os canteiros desta localidade teñen sona de aduaneiros.

• De Bora, un, e de Xeve, ningún.
• Un de Xeve e outro de Bora botan ao mestre fóra da obra.

• 
  Igrexa de Santo André de Xeve.

• Lugares de Pontevedra