Río Kasai
| |||||
| Tipo | río curso de auga  | ||||
|---|---|---|---|---|---|
| Inicio | |||||
| Continente | África | ||||
| País da cunca | República Democrática do Congo | ||||
| Final | |||||
| División administrativa | Kongo-Central, República Democrática do Congo | ||||
| Localización | Río Congo | ||||
| |||||
| Afluentes | Rio Cuango (pt)  , Rio Sankuru (pt) , Rio Cuílo (pt) , Luluwa (en) , Fimi River (en) , Lukibu (en) , Lutshuadi River (en) , Rio Luachimo (pt) , Loange River (en) , Lweta (en) , Rio Tchicapa (pt) , Luele River (en) , Kamtsha River (en) , Lubue River (en) | ||||
| Conca hidrográfica | Conca fluvial do Congo | ||||
| Características | |||||
| Dimensións | 2.272 ( ) km | ||||
| Superficie da cunca hidrográfica | 880.200 km² | ||||
| Medicións | |||||
| Caudal | 12.000 m³/s | ||||
O Kasai (escrito en portugués Cassai) é o máis importante dos afluentes do río Congo, que o recibe pola súa beira esquerda. A súa lonxitude é de 2.153 km.
Nomes
[editar | editar a fonte]Segundo as zonas que atravesa o Kasai recibe diversos nomes: Kassabi, Ibari, Nkutu, Kassai, Cassai e Kwa.
Percorrido
[editar | editar a fonte]O Kasai nace nas alturas de Bie, en Angola. Desde aí flúe en dirección leste, até a fronteira coa República Democrática do Congo, onde vira bruscamente uns 90º cara ao norte, e forma por uns 400 km o límite natural entre ambos países. Neste tramo fórmanse numerosas illas fluviais e atinxe até 10 km de ancho. Continúa en dirección norte cara á bacía do Congo, até que vira ao noroeste, recibindo ao norte de Bandundu un importante afluente: o Kwango. Cando entra no seu curso inferior, recibe o nome de Kwa. Acaba por desaugar no Congo a uns 170 km de distancia da capital do país, Kinshasha. Pola extensión da súa cunca fluvial, o Kasai ocupa o 32º posto entre as do mundo.
No seu curso sitúanse dúas grandes cascadas: as de Poge (ca. 6º 40' de latitude), e as de Wissmann (a uns 5º 50' de latitude)
O caudal medio do Kasai é duns 12.000 m³/s, mais na temporada de grandes chuvias é moi superior (até 4 veces máis).
Afluentes
[editar | editar a fonte]Os tributarios principais do Kasai son os da súa beira esquerda: Kwango, Luembe, Luatschim, Chikapa e o Lovua.
Pola dereita recibe augas dos ríos Fimi, Sankuru, Lulua, Lueta e Lukenje (co Msini e o Ikatta).
Navegabilidade
[editar | editar a fonte]O Kasai é unha importante vías de comunicación para a República Democrática do Congo, pois contando cos seus afluentes conforma unha rede de sobre 3.500 km de augas navegábeis.
