Pudin

Un pudin^[1] é unha sobremesa doce, de orixe inglesa e consistencia cremosa, elaborada xeralmente con leite, pan esfaragullado, ovos, azucre e froitas ou froitos secos, que se cociña nun molde ao forno ou ao baño maría^[2]. Hoxe en día existente en moitas gastronomías, salientado na cociña inglesa e estadounidense, pode tamén estar composto de diferentes ingredientes dependendo da rexión: migallas de pan, biscoito, arroz, sémola etc. aglutinado con ovo e adubado ás veces con crema de ovo ou froitas diversas.

Hoxe en día é común como sobremesa en Galicia.

A palabra galega pudin procede da inglesa pudding (pronunciada [pudiŋ]), e esta probabelmente da francesa boudin (pronunciada [budε ̃]), que pola súa parte deriva da latina botellus co significado de ¨embutido¨ facendo referencia á forma de envoltorio que teñen os pudins.

Existen diferentes variantes do pudin; no seu sentido máis xeral acostuma ser doce (masa, leite, ovo, froitas etc) mais existen variantes salgadas semellantes ás salchichas ou embutidos, incluso de peixe.

Cando se serve como sobremesa adóitase acompañar de nata ou caramelo.

A meirande parte dos pudins pertencen ás cociñas de orixe anglosaxoa.

• Pudin de arroz
• Pudin de chocolate
• Pudin de millo ou corn pudding
• Pudin de pan
• Pudin de pan e manteiga
• Pudin de cenoria
• Cheshire pudding
• Clootie dumpling
• Duff
• Figgy duff
• Figgy pudding
• Fruit pudding
• Hasty pudding
• Jam Roly-Poly
• Melkert (pudin de leite condensado que non precisa forno) ^[3]
• Spotted dick
• Sticky date pudding
• Sticky toffee pudding
• Summer pudding

• Black pudding
• Haggis
• Kugel
• Red pudding
• White pudding
• Groaty pudding
• Hog's pudding

• Blanc-mange
• Chocolate pudding, versións estadounidense e asiática
• Custard
• Quesada pasiega
• Haupia
• Junket
• Mango pudding
• Pudding Pops
• Tapioca pudding
• Pudding Corn

Wikimedia Commons ten máis contidos multimedia na categoría:  Pudin

• Torrada (doce)
• Flan