Nantes, Sanxenxo
| Santa Baia de Nantes | |
|---|---|
 Igrexa parroquial | |
| Concello | Sanxenxo[1] |
| Provincia | Pontevedra |
| Coordenadas | 42°25′39″N 8°48′06″O / 42.4275, -8.80166667 |
| Área | 4,3 km² |
| Poboación | 758 hab. (2016) |
| Densidade | 176,28 hab./km² |
| Entidades de poboación | 15[1] |
| [ editar datos en Wikidata ] | |
Santa Baia de Nantes é unha parroquia que se localiza no concello de Sanxenxo. Segundo o IGE, en 2016 tiña 758 habitantes (371 mulleres e 387 homes), o que representa un descenso continuado respecto ó ano 2009, cando tiña 793 habitantes, e ó ano 2000, cando tiña 781.
Xeografía
[editar | editar a fonte]É a única parroquia do concello que carece de costa. Linda ó norte e ó leste con Meaño, ó oeste coas parroquias de Gondar e Adina e ó sur coa de Padriñán. A superficie da parroquia é de 4,3 km 2, distribuída en 15 entidades de poboación.
Nantes está cruzada de norte a sur pola autovía AG-41, que deixa á súa esquerda o Parque Empresarial de Nantes. Trátase dun parque empresarial de 650.000 m 2, cuxos terreos comezaron a expropiarse en 2003 e que a febreiro de 2017 segue sen subministración de auga nin luz, e cuns accesos insuficientes; nesta data só había dúas empresas instaladas no polígono [2].
Patrimonio
[editar | editar a fonte]O actual templo parroquial foi levantado en 1965, deseñada por Alejandro de la Sota[3], sobre o terreo que ocupaba a igrexa anterior, románica, da que non quedan restos. No patio da igrexa consérvanse sepulcros antropomorfos atopados durante as obras de construción.
No lugar do Santo hai unha pequena capela construída en 1591[4], dedicada ó frade franciscano Xoán de Navarrete, a quen disque fai alusión o topónimo, e que segundo a lenda faleceu aquí tras caer dun asno cando volvía ao convento de San Francisco de Pontevedra (onde está soterrado) despois de dar misa en Adina. Na fachada loce un escudo coa imaxe de dous bois, que lembra a xugada que doou o abade para traer a pedra necesaria para a construción da capela[5].
Galería de imaxes
[editar | editar a fonte]-
Interior da igrexa parroquial.
-
Capela do Santo.
-
Figura na capela do Santo.
-
Nantes no mapa da xurisdición da Lanzada incluído no Catastro de Ensenada, 1752.
Lugares e parroquias
[editar | editar a fonte]Lugares de Nantes
[editar | editar a fonte]| Lugares da parroquia de Nantes no concello de Sanxenxo (Pontevedra) | |
|---|---|
|
Bouzón | Buezas | A Cachada | A Cancela | O Casal | Contomil | Dadín |Gandra | A Igrexa | Pazos | Pedroño | Pedrouzos | A Revolta | O Santo | Seixomil |
Parroquias de Sanxenxo
[editar | editar a fonte]Notas
[editar | editar a fonte]- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ "El polígono fantasma" (Faro de Vigo, 20.10.2013).
- ↑ Igrexa de Santa Baia de Nantes na páxina web colaborativa Patrimonio Galego.
- ↑ Capela do Santo na páxina web colaborativa Patrimonio Galego.
- ↑ Gran Enciclopedia Galega, s. v. Sanxenxo, t. 40, px. 163.
