Magnolia de Soulange
| Magnolia de Soulange | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||
| Clasificación científica | |||||||||||||||||||||||
| |||||||||||||||||||||||
| Nome binomial | |||||||||||||||||||||||
| ''Magnolia × soulangeana'' Soul.-Bod., 1826 | |||||||||||||||||||||||
A magnolia de Soulange (Magnolia × soulangeana), tamén chamada magnolia chinesa, é unha especie híbrida da familia das magnolias de folla caediza. É común na xardinaxe galega.
Descrición
[editar | editar a fonte]Obtida por cruzamento entre M. denudata e M. lilifolia, é unha árbore de até 6 m de altura ou un arbusto que pode acadar os 5 m de altura, as súas follas caedizas son elípticas e largas con nervadura mediana. De floración temperá, as súas grandes flores abrancazadas posúen tons de cor rosado máis intenso cara a base, aparecen antes que as follas polo que corren o risco de se xear en climas fríos.
Orixe e variedades
[editar | editar a fonte]Este híbrido, que se obtivo por vez primeira en Francia, leva o nome do cabaleiro que o cultivou, Soulange-Bodin. Existen algunhas variedades del frecuentemente utilizadas en xardinaxe. De entre elas cómpre salientar Alba (ou alba superba), con flores dun branco puro. Alexandrina, con flores precoces, abrancazadas e rosadas na base. Lennei, con flores profundamente carmesís ou rosadas e brancas no interior. Norbertiana, con grandes flores brancas e unha rechamangueira follaxe púrpura. Rubra, flores rosado-avermelladas. Speciosa, de flores brancas interiormente e rosado-purpúreas no exterior, é de floración máis serodia ca o resto de variedades da especie e de flores máis miúdas e duradeiras.
Taxonomía
[editar | editar a fonte]Magnolia soulangeana foi descrito por Étienne Soulange-Bodin Soulaire e publicado en Mémoires de la Société Linnéenne de Paris, précédés de son histoire 1826: 269. 1827.[1]
Magnolia: nome xenérico outorgado en honra de Pierre Magnol, botanista de Montpellier (Francia).
soulangeana: epíteto outorgado en honra do cabaleiro que cultivou a variedade, Soulange-Bodin.
- Magnolia × brozzonii Millais
- Magnolia conspicua var. alexandrina Loudon
- Magnolia conspicua var. citriodora Loudon
- Magnolia conspicua var. soulangeana (Soul.-Bod.) Loudon
- Magnolia conspicua var. speciosa Loudon
- Magnolia lene Pepin
- Magnolia × lenneana (Lem.) Koehne
- Magnolia × lennei Van Houtte
- Magnolia obovata var. soulangeana (Soul.-Bod.) Ser.
- Magnolia × soulangeana var. brozzinii auct.
- Magnolia speciosa Van Geel
- Magnolia yulan var. soulangeana (Soul.-Bod.) Lindl.
- Yulania × lenneana Lem.
- Yulania × soulangeana (Soul.-Bod.) D.L.Fu[2][3]
Notas
[editar | editar a fonte]- ↑ "Magnolia de Soulange". Tropicos.org. Missouri Botanical Garden. Consultado o 9 de maio de 2013.
- ↑ Magnolia de Soulange en PlantList
- ↑ "Magnolia de Soulange". World Checklist of Selected Plant Families. Arquivado dende o orixinal o 12-09-2019. Consultado o 09-05-2013.
Véxase tamén
[editar | editar a fonte] |
Wikimedia Commons ten máis contidos multimedia na categoría: Magnolia de Soulange  |
 |
Wikispecies posúe unha páxina sobre: Magnolia de Soulange |
Outros artigos
[editar | editar a fonte]- Magnolia (xénero)
Bibliografía
[editar | editar a fonte]- Lozano-Contreras, G. 1983. Magnoliaceae. 1: 1–119. In Fl. Colombia. Universidad Nacional de Colombia, Santafé de Bogotá.
- Flora of China Editorial Committee. 2008. Flora of China (Menispermaceae through Capparaceae). 7: 1–499. In C. Y. Wu, P. H. Raven & D. Y. Hong (eds.) Fl. China. Science Press & Missouri Botanical Garden Press, Beijing & St. Louis.
