Lion (filme de 2016)

Lion
Ficha técnica
Director	Garth Davis
Produtor	Iain Canning, Angie Fielder, Emile Sherman
Guión	Luke Davies
Baseado en	A Long Way Home de Saroo Brierley
Intérpretes	Dev Patel, Rooney Mara, David Wenham, Nicole Kidman
Música	Volker Bertelmann, Dustin O'Halloran
Fotografía	Greig Fraser
Montaxe	Alexandre de Franceschi
Estudio	See-Saw Films, Aquarius Films, Screen Australia, Sunstar Entertainment, The Weinstein Company
Distribuidora	The Weinstein Company, Transmission Films
Estrea	25 de novembro de 2016 Estados Unidos; 27 de xaneiro de 2017
Duración	129 min.[1]
Orixe	Australia, Estados Unidos, Reino Unido
Xénero	drama biográfico
Orzamento	12 millóns de $[2]
Recadación	34 millóns de $[3]
Na rede
http://lionmovie.com/

Lion, orixinalmente titulado A Long Way Home, é un filme australiano-estadounidense de drama dirixido por Garth Davis e escrito por Luke Davies, baseado no libro de non ficción A Long Way Home de Saroo Brierley. É protagonizado por Dev Patel, Rooney Mara, David Wenham e Nicole Kidman. Foi estreado mundialmente o 10 de setembro de 2016 no Festival Internacional de Cine de Toronto 2016.^[4] O filme foi estreado comercialmente nos Estados Unidos o 25 de novembro de 2016 por The Weinstein Company. En Galiza estreouse o 27 de xaneiro de 2017 coa dobraxe castelá^[5].

O filme recibiu seis nomeamentos aos premios Oscar de 2017^[6].

Saroo (Dev Patel) é un raparigo indio de cinco anos que vive na extrema pobreza con súa nai e mailo seu irmán máis vello nunha vila da India. Accidentalmente un día queda durmido nun tren e aparece perdido a centos de quilómetros da súa casa.

Despois de morar na rúa e de se enfrontar a numerosos desafíos, Saroo é adoptado por unha parella australiana, Sue (Nicole Kidman) e John Brierley (David Wenham). Dende aquela, vive en Australia e medra arrodeado dunha cultura diferente, lonxe das súas orixes. Vinte e cinco anos despois, o mozo decide localizar a súa verdadeira familia, embarcándose así nunha difícil viaxe cara ao seu pasado^[7].

• Dev Patel como Saroo Brierley
• Nicole Kidman como Sue Brierley
• Rooney Mara como Lucy
• David Wenham como John Brierley
• Nawazuddin Siddiqui
• Priyanka Bose
• Tannishtha Chatterjee
• Deepti Naval
• Divian Ladwa
• Pallavi Sharda
• Benjamin Rigby
• Sachin Joab

O 24 de abril de 2013 anunciouse que Garth Davis faría o seu debut como director coa película biográfica de Saroo Brierley, baseada no seu libro de memorias A Long Way Home, para See-Saw Films e Sunstar Entertainment.^[8] En maio de 2014 The Weinstein Company comprou os dereitos de distribución mundial do drama titulado Lion por 12 millóns de dólares.^[9] Luke Davies adaptou o libro para a película; mentres que Screen Australia e Fulcrum Media Finance a co-financiarían, See-Saw, Sunstar e Aquarius Films produciríana. Iain Canning, Angie Fielder e Emile Sherman foron incluídos como produtores da cinta. En outubro de 2014 Dev Patel e Nicole Kidman foron incluídos ao elenco para interpretaren os papeis principais do filme.^[10] En xaneiro de 2015 Nawazuddin Siddiqui, Priyanka Bose, Tannishtha Chatterjee e Deepti Naval sumáronse ao elenco.^[11] En abril de 2015 así o fan Rooney Mara, David Wenham e Divian Ladwa.^[12] Pallavi Sharda tamén se sumou ao elenco do filme, interpretando o amigo de Saroo.^[13] Volker Bertelmann e Dustin O'Halloran compuxeron a banda sonora da fita.^[14]

O filme recibiu críticas mixtas despois da súa estrea no Festival Internacional de Cinema de Toronto.^[15][16] En Rotten Tomatoes posúe unha porcentaxe de aprobación de 69%, baseada en 16 críticas, cunha cualificación media de 6,3/10.^[17] En Metacritic ten unha puntuación de 61 sobre 100, con base en 8 críticos, indicando «críticas xeralmente favorábeis».^[18]