Francis Darwin

Francis Darwin

Biografía
Nacemento	16 de agosto de 1848 Down House, Reino Unido
Morte	19 de setembro de 1925 (77 anos) Cambridge, Reino Unido
Lugar de sepultura	Cambridgeshire
Educación	Trinity College St George's, University of London (en)
Actividade
Campo de traballo	Botánica
Ocupación	botánico
Empregador	Universidade de Cambridge
Membro de	Royal Society (1882–) Academia das Ciencias de San Petersburgo Leopoldina Academia de Ciencias de Rusia
Influencias	Charles Darwin
Outro
Título	Knight Bachelor (1913–)
Cónxuxe	Florence Henrietta Darwin (1913–) Ellen Wordsworth Darwin (1883–valor descoñecido) Amy Richenda Ruck (1874–valor descoñecido)
Fillos	Bernard Darwin  () Amy Richenda Ruck Frances Cornford  () Ellen Wordsworth Darwin
Pais	Charles Darwin   e Emma Darwin
Irmáns	Henrietta Darwin Anne Darwin Horace Darwin George Darwin Leonard Darwin Charles Waring Darwin William Erasmus Darwin Elizabeth Darwin Mary Eleanor Darwin
Premios
(1912)  Medalla Darwin Concedido por Royal Society (1909)  doutor honoris causa pola Universidade de Cambridge (8 de xuño de 1882)  membro da Royal Society (1875)  Membro da Sociedade Linneana de Londres  Knight Bachelor
Descrito pola fonte	Svensk Uppslagsbok (pt) Dicionario Enciclopédico Brockhaus e Efron Enciclopedia de Otto

Sir Francis "Frank" Darwin (coñecido tamén polas letras FLS FRS FRSE)^[1] nado en Down House, (Downe, Kent) o 16 de agosto de 1848 e finado en Cambridge 19 de setembro de 1925, foi un botánico británico. Foi o terceiro fillo do naturalista e científico inglés Charles Darwin.^[2]

Estudou na Clapham Grammar School.^[3] Logo foi ao Trinity College de Cambridge, primeiro estudando matemáticas, despois pasou a Ciencias Naturais, graduándose en 1870. Logo foi estudar medicina na St George's Medical School de Londres, licenciouse en Medicina en 1875, pero non exerceu como médico.

Darwin estivo casado tres veces e viúvo dúas. Primeiro casou con Amy Richenda Ruck en 1874, pero ela morreu en 1876 catro días despois do nacemento do seu fillo Bernard Darwin, que máis tarde se convertería en escritor. En setembro de 1883 casou con Ellen Wordsworth Crofts (1856–1903) e tiveron unha filla Frances Crofts Darwin (1886–1960), unha poeta que casou con Francis Cornford, tamén poeta, e que se deu a coñecer co nome de casada. A súa terceira esposa foi Florence Henrietta Fisher, filla de Herbert William Fisher e viúva de Frederic William Maitland, con quen casou en 1913. A súa irmá, Adeline Fisher, foi a primeira esposa do primo de Darwin.

Francis Darwin traballou co seu pai en experimentos relacionados cos movementos das plantas, en concreto o fototropismo, e foron coautores de The Power of Movement in Plants (1880). Os seus experimentos demostraron que o coleóptilo dunha plántula de herba nova dirixe o seu crecemento cara á luz comparando as respostas das plántulas con coleóptilos cubertos e descubertos. Estas observacións levarían posteriormente ao descubrimento da auxina.

Darwin foi nomeado polo seu pai para a Sociedade Linneana de Londres en 1875, ^[4] e foi elixido membro da Sociedade o 2 de decembro de 1875.^[5] Foi elixido membro da Royal Society o 8 de xuño de 1882, o mesmo ano no que morreu o seu pai. Darwin editou The Autobiography of Charles Darwin (1887), e produciu algúns libros de cartas a partir da correspondencia de Charles Darwin; A vida e as cartas de Charles Darwin (1887) e Máis cartas de Charles Darwin (1905). Tamén editou On the Reception of the Origin of Species (1887), de Thomas Huxley.

A Universidade de Cambridge concedeulle un doutoramento honoris causa en 1909. Tamén recibiu doutoramento honoris causa en Dublín, Liverpool, Sheffield, Bruxelas, St Andrews, Uppsala e Praga. Foi nomeado cabaleiro en 1913.

Está enterrado en Cambridge.^[6] A súa filla, Frances Cornford, foi enterrada máis tarde con el.

A súa primeira esposa, Amy Ruck morreu en 1876, poucos días despois do nacemento do seu fillo Bernard, e foi enterrada na igrexa da Holy Trinity, Corris, no norte de Gales.^[7] Segundo unha carta escrita por Charles Darwin ao seu amigo íntimo, Joseph Dalton Hooker : "Nunca vin a ninguén sufrir tanto como o pobre Frank. Foi a N. Wales para enterrar o corpo nun pequeno patio da igrexa entre as montañas".

Casou coa súa segunda esposa, Ellen Wordsworth Crofts, en 1883, quen foi bolseira e profesora no Newnham College e foi membro da Ladies Dining Society en Cambridge, xunto con outros 11 membros. Morreu en 1903, e está enterrada no cemiterio da igrexa de St. Andrew, en Girton.

En 1913 casou coa súa terceira esposa, Lady Florence Henrietta Fisher, a viúva de Frederic William Maitland. Ela morreu en 1920 e está enterrada na parroquia de Ascension Burial Ground, Cambridge, fronte á tumba de Sir Francis Darwin e a súa filla Frances Cornford.

• Life and Letters of Charles Darwin (Vida e cartas de Charles Darwin) (1880); (2a edición revisada, 1887);^[8] Segunda impresión da edición revisada, 1888
• The Power of Movement in Plants (O poder do movemento das plantas) (1880)
• The Practical Physiology of Plants (A fisioloxía práctica das plantas) (1894)
• Elements of Botany (Elementos de botánica) (1895)
• Rustic Sounds and Other Studies in Literature and Natural History (Sons rústicos e outros estudos de literatura e historia natural) (1917)

• Dorothea Pertz coa que foi coautor de cinco artigos
• Conduit Head, que regalou á súa filla Frances Cornford Darwin

• Browne,, E. Janet. (2002). Charles Darwin: vol. 2 The Power of Place. Londres; Johnathan Cape. ISBN 0-7126-6837-3. 
• Ayres, Peter. "The Aliveness of Plants: The Darwins at the Dawn of Plant Science" Londres: PIckering & Chatto, 2008.ISBN 978-1-85196-970-8
• Darwin, Francis Sacheverell. (1927). Travels in Spain and the East, 1808-1810 (Viaxes por España e Oriente, 1808-1810). Universidade de Cambridge (reeditado por Cambridge University Press, 2009; ISBN 978-1-108-00431-2 )