Folk punk

O folk punk é un xénero musical que fusiona música folk e punk rock. Popularizouse a comezos dos 80 grazas a The Pogues no Reino Unido e a Violent Femmes nos Estados Unidos. O folk punk chegou a conseguir algún éxito entre o grande público durante esa década. En anos recentes os seus subxéneros celtic punk e gypsy punk experimentaron algún éxito comercial.

A diferenza do rock celta e o folk rock británico, o folk punk tende a incluír relativamente pouca música tradicional no seu repertorio. A meirande parte dos músicos do xénero interpretan as súas propias composicións, de estilo punk rock pero engadindo instrumentos folk, como mandolinas, acordeóns, banjos ou violíns.^[1] Porén, algunhas bandas de folk punk adoptaron formas tradicionais da música folk, como as celeumas.