Dietrich Bonhoeffer

Dietrich Bonhoeffer

Biografía
Nacemento	4 de febreiro de 1906 Wrocław (Imperio Alemán)
Morte	9 de abril de 1945 (39 anos) Flossenbürg concentration camp, Alemaña (en)
Causa da morte	pena de morte, enforcamento
Lugar de sepultura	sen valor cemiterio de Dorotheenstadt
Relixión	Luteranismo e Igreja Confessante (pt)
Educación	Universidade Humboldt de Berlín - teoloxía (–1927) Universidade de Tubinga - teoloxía (1923–) Seminário Teológico da União (Nova York) (pt)
Actividade
Ocupación	teólogo, poeta, membro da resistencia, filósofo, párroco
Empregador	Universidade Humboldt de Berlín
Profesores	Reinhold Seebeerg (pt) e Karl Holl (pt)
Influencias	Reinhold Niebuhr (pt)
Participou en
1934	Universal Christian Council at Fanø 1934 (en)
Familia
Familia	Bonhoeffer family (en)
Cónxuxe	sen valor
Parella	Maria von Wedemeyer
Pais	Karl Bonhoeffer   e Paula Bonhoeffer
Irmáns	Christine Bonhoeffer Sabine Leibholz-Bonhoeffer Karl Friedrich Bonhoeffer Klaus Bonhoeffer Ursula Schleicher
Premios
Premio á coraxe civil da Fundación Train
Descrito pola fonte	Encyclopedia of Global Justice (2011 ed.) (en) Encyclopedia of Modern Christian Politics (2006 ed.) (en) , (sec:Bonhoeffer, Dietrich (1906-1945)) Obálky knih,

Dietrich Bonhoeffer (Breslau, 1906 — Campo de concentración de Flossenburg, 1945). Teólogo alemán fundamental para o pensamento do protestantismo contemporáneo. Estudou na Universidade de Tubinga, foi profesor na Universidade de Berlín. Ministro da Igrexa luterana. Pagou coa súa vida a resistencia contra Adolf Hitler.

Ante a manipulación ideolóxica da sociedade alemá polo nazismo, foi con Karl Barth un dos grandes animadores da Igrexa confesante, que se opuxo ao novo réxime por consideralo un neopaganismo idólatra, inimigo do auténtico cristianismo.

Fronte a un protestantismo acomodaticio que se centra nunha visión superficial da graza, como salvación gratuíta sen consecuencias vitais profundas, Bonhoeffer, sen afastarse das concepcións de Martiño Lutero, desenvolve a idea do que chamou a graza cara: aquela que transforma ao crente mediante á resposta ao Amor de Cristo. Unha resposta de entrega e abnegación radical que asume o desprezo e o sufrimento como consecuencias do seguimento de Xesús de Nazaret.

Bonhoeffer rexeita con vehemencia un cristianismo burgués que constrúe un Deus á súa medida. Rexeita, asemade, o Deus da filosofía, por ser un Deus abstracto e afastado. Desconfía tamén dun Deus da relixión, feito a imaxe e semellanza das necesidades da inmaturidade impropia do home contemporáneo. Afirma, pois, un cristianismo sen relixión, que vive da experiencia do amor absoluto manifestado en Cristo. Unha fe sen relixión, que busca o seguimento radical e o servizo universal fronte ao espírito mesquiño do home tipicamente relixioso, escravo da preocupación egoísta pola súa propia salvación.

Para Bonhoeffer o Deus de Xesucristo interpela a existencia con toda a súa angustia e profundidade, ao modo de Kierkegaard. Pero é tamén un Deus que está no centro da vida na súa dimensión social e, xa que logo, na súa proxección política. O crente é un home para os demais e isto pode levalo a enfrontarse ás estruturas que escravizan á persoa e a combater ao poder político totalitario.

Bonhoeffer, como pastor protestante, despregou unha acción incansable para axitar as conciencias manipuladas pola ideoloxía nazi. Organizou accións de axuda ás minorías perseguidas, especialmente aos xudeus. Prohibíuselle o traballo docente e pastoral. Acosado pola Gestapo viaxa ao Reino Unido pero decide retornar. Implicouse na resistencia organizada a un réxime que acabou encarcerándoo, trasladándoo a varios campos de concentración e aforcándoo.

• Acto e Ser (1930)
• O prezo da Graza: o seguimento(1937)
• A vida en comunidade (1938)
• Resistencia e Submisión. Cartas e apuntamentos dende o cárcere (póstuma)