Diego Seoane
 (2023)  | |||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) Diego Seoane Pérez 26 de abril de 1988 (36 anos)Ourense, España | ||||||||||||||||||||||||||||||||||||||||||||||||||||||||||||||||||
| Altura | 181 cm | ||||||||||||||||||||||||||||||||||||||||||||||||||||||||||||||||||
| Peso | 75 kg | ||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||
| Período de actividade | 27 de xaneiro de 2010 - | ||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||
Diego Seoane Pérez, nado en Ourense o 26 de abril de 1988, é un futbolista galego. Xoga de lateral dereito, aínda que se pode desenvolver perfectamente pola esquerda. Dende 2021 milita no Pontevedra.
Traxectoria
[editar | editar a fonte]Deportivo da Coruña (2005-2015)
[editar | editar a fonte]Chegou ao Deportivo da Coruña en 2005, procedente do Pabellón Ourense Club de Fútbol.[1] Xogou cedido durante a tempada 2007–08 no Ciudad de Santiago de Terceira División e ao ano seguinte volveu á Coruña, onde foi un fixo na aliñación do Fabril.[2]
Desde principios de 2010 contou con algunha convocatoria co primeiro equipo, debutando o 27 de xaneiro nun partido de Copa do Rei fronte ao Sevilla no Sánchez Pizjuán, onde foi titular.[3] Debutou en Primeira División da man de Lotina o 20 de marzo nun partido entre o Deportivo e o Real Valladolid en Riazor (0–2). En xuño de 2010 renovou o seu contrato por tres anos máis.[4] Na tempada 2010/11 alternou partidos do Fabril con partidos do primeiro equipo, xogando con este último 15 encontros, e viviu o descenso dos dous equipos nas súas respectivas categorías.
Na tempada 2011/12 subiu ao primeiro equipo de xeito oficial, pero contou con poucos minutos no ano do ascenso a Primeira. Na campaña seguinte foi apartado do primeiro equipo durante a primeira metade da campaña, pola súa negativa a renovar o contrato. Finalmente, o 28 de xaneiro de 2013 renovou por 3 campañas máis e marchou cedido ao Córdoba CF, en Segunda División, até o final da tempada.[5]
Na 2013/14 xogou 26 partidos co Deportivo, de novo en Segunda e con Fernando Vázquez no banco, logrando o ascenso e marcando o seu primeiro e único gol co equipo branquiazul, no partido de Copa fronte ao Córdoba, o seu equipo a tempada anterior.[6] Na seguinte tempada non contou con ningunha oportunidade co técnico Víctor Fernández, polo que en xaneiro marchou cedido ao CD Lugo.[7][8] Disputou só nove partidos co equipo lugués, debido a unha lesión que o mantivo afastado dos terreos de xogo durante máis de dous meses.[9] Ao remate da tempada rescindiuse o seu contrato co Deportivo, despois de case unha década no club.[10]
Ponferradina (2015-2016)
[editar | editar a fonte]Poucos días despois fichou pola SD Ponferradina, en Segunda, club que acabou perdendo a categoría ao remate da campaña.[11]
Dacia Chișinău (2017)
[editar | editar a fonte]Estivo sen equipo na primeira metade da tempada 2016/17 ata que en febreiro de 2017 marchou a Moldova para fichar polo FC Dacia Chișinău, co que se proclamou subcampión da liga moldova en maio, permanecendo no club unha tempada máis.[12]
Racing de Ferrol (2020-2021)
[editar | editar a fonte]En xaneiro de 2018 volveu a Galicia para fichar polo Racing Club de Ferrol, que loitaba por conseguir a permanencia en Segunda B, asinando polo que quedaba de tempada e dúas máis.[13] O equipo acabou por descender a Terceira, volvendo ascender ao ano seguinte, sendo Seoane un dos piares do equipo ao disputar case todos os minutos da tempada. Comezou a 2019/20 cunha lesión, e tras recuperarse foi titular en todos os partidos ata que a competición foi suspendida por mor da pandemia de COVID-19.[14]
Pontevedra (2021-)
[editar | editar a fonte]En xullo de 2021 fichou polo Pontevedra, da Segunda División RFEF. Disputou 27 encontros co equipo pontevedrés, marcando dous tantos nunha goleada por 1-5 sobre o Arenteiro, e logrou o ascenso á Primeira División RFEF tras rematar campión.
Palmarés
[editar | editar a fonte]- Deportivo
- Segunda División (1): 2011/12.
- Pontevedra
- Segunda División RFEF (1): 2021/22.
Notas
[editar | editar a fonte]- ↑ Martínez Montero, Óscar (20 de xullo de 2015). "Diego Seoane se marcha de Riazor". Marca (en castelán). Consultado o 27 de novembro de 2020.
- ↑ Garrote, Pepe (11 de decembro de 2018). "Diego Seoane: "Solo nos vale ascender"". La Región (en castelán). Consultado o 27 de novembro de 2020.
- ↑ "Seoane: "En la Copa estuve bien y me dio confianza, ahora llega el debut en Liga"". Marca (en castelán). 19 de marzo de 2010. Consultado o 27 de novembro de 2020.
- ↑ "Diego Seoane renueva tres temporadas con el Deportivo". La Información (en castelán). 2010-06-18. Arquivado dende o orixinal o 02 de agosto de 2023. Consultado o 2021-02-19.
- ↑ Gómez, Javier (23 de xaneiro de 2013). "Seoane acepta renovar con el Dépor y jugará en el Córdoba" (en castelán). Consultado o 27 de novembro de 2020.
- ↑ "El Dépor se venga del Córdoba desde el punto de penalti". Marca (en castelán). EFE. 12 de setembro de 2013. Consultado o 27 de novembro de 2020.
- ↑ D., P. (13 de xaneiro de 2015). "Chega Diego Seoane, vaise Samu de los Reyes". El Progreso. Consultado o 27 de novembro de 2020.
- ↑ "Diego Seoane, cedido al Lugo hasta final de temporada". Deportivo da Coruña. 14 de xaneiro de 2015. (en castelán)
- ↑ "Diego Seoane vuelve a jugar tras su lesión" (en castelán). 27 de abril de 2015. Consultado o 27 de novembro de 2020.
- ↑ "O Real Club Deportivo e Diego Seoane alcanzan un acordo para rescindir o contrato do xogador" (en castelán). 20 de xullo de 2015. Consultado o 27 de novembro de 2020.
- ↑ "Diego Seoane ficha por la Ponferradina" (en castelán). 21 de xullo de 2015. Consultado o 27 de novembro de 2020.
- ↑ Barreiros, P. (12 de abril de 2017). "Diego Seoane da el salto en Moldavia". La Voz de Galicia (en castelán). Consultado o 27 de novembro de 2020.
- ↑ "El Racing de Ferrol ficha al primer refuerzo, el lateral ourensano de 29 años Diego Seoane". La Voz de Galicia (en castelán). 11 de xaneiro de 2018. Consultado o 27 de novembro de 2020.
- ↑ "Diego Seoane no se pone fecha para volver". La Voz de Galicia (en castelán). 2 de setembro de 2019. Consultado o 27 de novembro de 2020.
