Antonov

Antonov
Tipo	fabricante aeroespacial
Data de fundación	1930
Fundador(es)	Oleg Antonov
Nomeado en referencia a	Oleg Antonov
Director/a	Oleg Antonov e Petro Balabuyev
Organización matriz	Ukrainian Defense Industry
Organización subsidiaria	Antonov Airlines
Premios	Orde de Lenin
Sede	Kíiv
País	Ucraína
Na rede
	http://www.antonov.com/ e https://www.antonov.com/en
	[ editar datos en Wikidata ]

An-225 o avión de carga máis grande do mundo.

Antonov, ou Complexo Científico/Técnico Aeronáutico Antonov (Antonov ASTC) (en ucraíno:Авіаційний науково-технічний комплекс імені Антонова, АНТК ім. Антонова), antigamente a Compañía de Deseño Antonov, é unha compañía de deseño e fabricante de aeronaves e provedora de servizos aeronáuticos con base en Kíiv, Ucraína (desde 1952) con particular experiencia no campo da construción de aeronaves moi grandes, tanto para uso comercial (carga e pasaxe) coma para defensa.

Historia

O nome da compañía vén do enxeñeiro ruso Oleg Antonov (nado en Troitsi, Moscova, en 1906), que a fundou o 31 de maio de 1946, e principal deseñador do Antonov An-2. An-8, An-24, An-22 e outros lendarios avións. É unha empresa de propiedade estatal. A compañía carece das instalacións necesarias para a construción total dalgunhas naves, como resultado das restricións impostas polo goberno central da Unión Soviética que repartía a construción da industria militar entre as súas diferentes rexións. Tal distribución minimizou os riscos de guerra interna, e evitaba que as repúblicas desenvolveran unha autosuficiencia económica. Dado isto, os avións Antonov eran con frecuencia construídos polas compañías Khárkiv (Ucraína), Novosibirsk (Rusia) e Tashkent (Uzbekistán).

Produtos

Os avións Antonov van desde o *desgarbado Antonov An-2, (biplano demasiado grande para ser biplano), o avión de recoñecemento Antonov An-28, ata os enormes estratéxicos Antonov An-124 e Antonov An-225 (este último o maior avión xamais construído e o maior en servizo, verdadeiro xigante dos ceos). Outros menos famosos serven coma transporte de pasaxeiros de curto, mediano e longo alcance, especialmente en Rusia e Europa Oriental. O An-70 exteriormente se asemella ó Airbus A400M.

As actividades do complexo Antonov inclúen:

Deseño e construción de aeronaves.
Transporte de carga (Aeroliñas Antonov).
Mantemento e mellora de aeronaves.
Apoio en Enxeñería aerospacial.
Operación do Aeroporto Antonov.
Deseño e construción de trolebuses.

Aeronaves

Nave	Nome	Designación OTAN	Primeiro voo	Observación
A-40	Krylayaty Tank		1942	Tanque alado
An-2		Colt	31 de agosto de 1947	Biplano monomotor multiúsos
An-3		Colt		Conversión a turbinas do An-2
An-4		Colt		An-2 con flotadores
An-6	Meteo	Colt		Avión de recoñecemento baseado no An-2
An-8		Camp	1955	Transporte militar lixeiro
An-10	Ukraina	Cat	marzo de 1957	Transporte medio a turbinas
An-12		Cub	16 de decembro de 1957	Transporte militar a turbinas, baseado no An-10
An-14	Pchelka	Clod	1958	Bimotor lixeiro
An-22	Antei	Cock	febreiro de 1965	Transporte pesado para longas distancias
An-24		Coke	20 de outubro de 1959	Dobre turbina
An-26		Curl	1969	Dobre turbina, baseado no An-24
An-28		Cash	setembro de 1969	Transporte lixeiro de dobre turbina, baseado no An-14
An-30		Clank	1967	An-24 adaptado para fotografía aérea
An-32		Cline	1976	Dobre turbina, estrutura do An-26 con motor extra
An-38			1994	Transporte lixeiro de dobre turbina, An-28 ensanchado
An-70			16 de decembro de 1994	Transporte pesado, con 4 motores de turbohélice, para substituír o An-12
An-71		Madcap	12 de xullo de 1985	Avión de radar naval desenvolvido xunto co An-72
An-72	Cheburashka	Coaler	31 de agosto de 1977	Transporte de moi curto alcance, emprega o Efecto Coanda
An-74	Cheburashka	Coaler	1983	Versión civil do An-72
An-88				Proxecto para avión de radar, no completado
An-124	Ruslán	Cóndor	1982	Transporte militar; o maior avión xamais producido en masa
An-140			18 de setembro de 1994	Avión a turbinas de curto alcance para aeroliñas
An-148			17 de decembro de 2004	Desenvolvemento rexional a chorro do An-140, con motores fronte baixo as ás.
An-174				An-74 agrandado con motores fronte baixo as ás.
An-180			en desenvolvemento	Avión a turbinas de mediano alcance para aeroliñas, arredor de 175 pasaxeiros
An-204
An-218			postergado	Turbohélice grande para aeroliñas
An-225	Mriya	Cossack	21 de decembro de 1988	Derivado do transporte militar An-124
OKA-38
SKV

Véxase tamén

Outros artigos

Ligazóns externas

Antonov ASTC