Cubo

En xeometría, un cubo ou hexaedro regular é un obxecto sólido e tridimensional formado por seis caras cadradas, con tres que se xuntan en cada un dos vértices. O cubo forma parte dos cinco sólidos platónicos, é dual co octaedro e posúe simetría cúbica (ou simetría octaédrica). O hexaedro regular está formado por seis caras, oito vértices e doce arestas.

Proxeccións ortogonais

Para un cubo con centro na orixe de coordenadas, con arestas paralelas aos eixes e cunha lonxitude de 2, as coordenadas cartesianas dos vértices son

(±1, ±1, ±1)

mentres que o interior está formado por todos os puntos (x₀, x₁, x₂) con −1 < x_i < 1.

Para un cubo de lonxitude a de aresta:

área da superficie	${\displaystyle 6a^{2}}$
volume	${\displaystyle a^{3}}$
diagonal da cara	${\displaystyle {\sqrt {2}}a}$
diagonal espacial	${\displaystyle {\sqrt {3}}a}$
raio da esfera circunscrita	${\displaystyle {\frac {\sqrt {3}}{2}}a}$
raio da esfera tanxente coas arestas	${\displaystyle {\frac {a}{\sqrt {2}}}}$
raio da esfera inscrita	${\displaystyle {\frac {a}{2}}}$
ángulos entre as caras (en radiáns)	${\displaystyle {\frac {\pi }{2}}}$

Dado que o volume dun cubo é a terceira potencia dos seus lados, a × a × a, a esta terceira potencia chámaselle tamén cubo, por analoxía co cadrado, que é a segunda potencia.

Wikimedia Commons ten máis contidos multimedia na categoría:  Cubo

• Cubo de Rubik
• Cubo OLAP

• "Cube" por Eric W. Weisstein de MathWorld (en inglés)