Candice Bergen

Candice Bergen

(2006)
Biografía
Nacemento	(en) Candice Patricia Bergen 9 de maio de 1946 (78 anos) Beverly Hills (Estados Unidos de América)
Residencia	Beverly Hills
Educación	Universidade de Pensilvania Stella Adler Studio of Acting (en) Harvard-Westlake School (en) HB Studio
Altura	1.715 mm
Peso	120 lb
Cor dos ollos	Azul
Cor do pelo	Louro
Actividade
Lugar de traballo	Estados Unidos de América
Ocupación	actriz de televisión, fotoxornalista, fotógrafa, actriz de teatro, produtora, escritora, modelo, presentadora de televisión, actriz de cinema, produtora de televisión
Período de tempo	Século XXI
Período de actividade	1965 -
Partido político	Partido Demócrata
Representante	ICM Partners (en)
Obra
Obras destacables (1988-1998) Murphy Brown (pt) (2004-2008) Boston Legal (pt)
Familia
Cónxuxe	Louis Malle (1980–1995)
Pais	Edgar Bergen   e Frances Bergen
Premios
(1995)  Emmy do Primetime para melhor atriz numa série de comédia (pt) , premiado polo traballo Murphy Brown (pt) (1994)  Emmy do Primetime para melhor atriz numa série de comédia (pt) , premiado polo traballo Murphy Brown (pt) (1992)  Emmy do Primetime para melhor atriz numa série de comédia (pt) , premiado polo traballo Murphy Brown (pt) (1992)  Globo de Ouro á mellor actriz - Comedia ou musical, premiado polo traballo Murphy Brown (pt) (1990)  Emmy do Primetime para melhor atriz numa série de comédia (pt) , premiado polo traballo Murphy Brown (pt) (1989)  Emmy do Primetime para melhor atriz numa série de comédia (pt) , premiado polo traballo Murphy Brown (pt) (1989)  Globo de Ouro á mellor actriz - Comedia ou musical, premiado polo traballo Murphy Brown (pt) (1979)  Hasty Pudding Woman of the Year
Descrito pola fonte	Obálky knih,

Candice Patricia Bergen, nada en Beverly Hills o 9 de maio de 1946, é unha actriz estadounidense.

Con múltiples talentos, Candice foi tamén modelo de alta costura, xornalista, fotógrafa, escritora de obras de teatro e dun libro con súas memorias. Foi a primeira muller que presentou o programa de televisión Saturday Night Live, durante a temporada de estrea en 1975.

Bergen naceu o 9 de maio de 1946 no Hollywood Presbyterian Hospital^[1] nos Ánxeles. A súa nai, Frances Bergen (de solteira Westerman), fora unha modelo de Powers coñecida profesionalmente como Frances Westcott.^[2] O seu pai, Edgar Bergen, era un famoso ventrílocuo, cómico e actor. Os seus avós paternos eras inmigrantes suecos que anglicanizaron o seu apelidos, orixinariamente Berggren.

Bergen criouse en Beverly Hills, California e asistiu á Harvard-Westlake School.^[3] De nena, ás veces era descrita como "a irmanciña de Charlie McCarthy" facendo referencia ao monicreque do seu pai, o que a irritaba.^[4]

Comezou a aparecer no programa radiofónico do seu pai con poucos anos,^[5] e en 1958, con once anos, apareceu co seu pai no programa de Groucho Marx You Bet Your Life, como Candy Bergen. Dixo que cando crecese quería deseñar roupa. Posteriormente asistiu á Universidade de Pensilvania, mais como logo recoñeceu non tomou a súa educación en serio e tras suspender dous cursos sobre arte e ópera, pedíronlle que abandonase. Finalmente recibiu un doutoramento honorífico desta universidade en maio de 1992.^[6]

Traballou como modelo antes de dedicarse á interpretación, aparecendo na portada de Vogue. Recibiu clases de interpretación no HB Studio^[7] de Nova York, comezando no cinema nos anos 60. A pesar das críticas dos seus primeiros filmes, foi candidata ao Globo de Ouro á mellor actriz secundaria no cinema e ao Óscar á mellor actriz secundaria polo filme Starting Over.

En 1982, despois do éxito de Gandhi, que recibiu oito Óscars, e en que ela fixo o papel da destacada fotógrafa Margaret Bourke-White, unha das poucas occidentais a compartiren a intimidade do líder indio durante a súa vida, Bergen pasou a traballar na televisión, actuando en diversas series. Alcanzou o seu maior éxito coa serie Murphy Brown, en que interpretaba a decidida reporteira televisiva do título, e pola cal recibiu cinco premios Emmy á mellor actriz de comedia.

Posteriormente volveu actuar no cinema, participando de Miss axente especial con Sandra Bullock ou en View from the Top do brasileiro Bruno Barreto. Na televisión, participou na serie Boston Legal na ABC.

Activista política, Bergen aceptou unha cita con Henry Kissinger. Durante os seus días de activismo participou nunha broma Yippie cando ela, Abbie Hoffman e outros lanzaron billetes de dólar no chan da bolsa de Nova York en 1967, levando ao seu pechamento temporal. En 1972 participou na recollida de fondos e na organización da campaña presidencial de George McGovern.^[8]

Bergen e o seu antigo mozo Terry Melcher viviron no 10050 Cielo Drive nos Ánxeles, que posteriormente foi ocupado por Sharon Tate e o seu marido Roman Polanski. Tate e outras catro persoas foron asasinadas na casa o 9 de agosto de 1969 por seguidores de Charles Manson.^[9] Houbo especulacións iniciais sobre se Melcher puido ser a vítima prevista,^[10] aínda que Melcher, o seu antigo compañeiro de piso Mark Lindsay e Vincent Bugliosi indicaron que Manson sabía que Melcher xa non vivía na casa nesa época.^[11][12]

Entre 1971 e arredor de 1975, Bergen mantivo unha relación co produtor e guionista de Hollywood Bert Schneider.

O 27 de setembro de 1980, casou co director de cinema francés Louis Malle. Tiveron unha filla, chamada Chloe Françoise, en 1985. A parella estivo casada ata o pasamento de Malle por cancro o día de acción de grazas de 1995.^[13] Bergen fala francés con fluidez.

Está casada co magnate inmobiliario e filántropo neoiorquino Marshall Rose^[14] dende 2000.

Wikimedia Commons ten máis contidos multimedia na categoría:  Candice Bergen

• Bergen, Candice (2014) [1984]. Knock Wood. Nova York: Simon & Schuster. ISBN 978-1-476-77013-0. 

• Candice Bergen en wowOwow