Cortina

• Cómpre non confundir con cortiña: terreo agrícola próximo á casa de labranza.

A cortina é unha peza de tecido ou doutro material que se pon cubrindo o oco dunha fiestra ou noutro sitio, como adorno ou para ocultar o que queda pola parte de dentro dela^[1] .

Son pezas móbiles e adoitan estar feitas principalmente de teas de cores rechamangueiras e algunhas escuras. A súa función principal é a de impedir total ou parcialmente o paso da luz e a visibilidade dende o exterior. Tamén se poden utilizar detrás dunha porta de acceso.

As cortinas colócanse en calquera cuarto que dispoña de xanelas ou ventás, mais especialmente nos dormitorios para tirar a luz no momento do soño. Tamén, un importante detalle é que serven para non permitir o acceso do frío, porque no momento de frías correntes ou choivas, o vidro (condutor) permite o arrefriado e este pasa ao ambiente baixando as temperaturas.

Un estor é unha cortina dunha soa peza que se recolle e se estende verticalmente.^[2]

• Denomínase tamén cortina a calquera cousa que oculta o que hai detrás, por exemplo: cortina de fume é unha expresión utilizada para cando se desexa ocultar do opoñente.
• Cortina, ou transición por cortina en audovisual é un tipo de transición entre contidos diferentes na que o plano de entrada vai substituíndo paulatinamente o plano de saída servíndose dun elemento visual móbil (por exemplo, unha barra vertical, horizontal ou figuras xeométricas).^[3]

Wikimedia Commons ten máis contidos multimedia na categoría:  Cortina

Vexa a entrada do Galizionario acerca de  Cortina

• Alfombra