Castanopsis

Castanopsis
Lámina de Castanopsis cuspidata
Clasificación científica
Reino: Plantae División: Magnoliophyta Clase: Magnoliopsida Orde: Fagales Familia: Fagaceae Xénero: Castanopsis (D.Don) Spach

Castanopsis é un xénero de árbores perennifolias da familia das fagáceas.

Son cerca de 120 especies, propias do leste tropical e subtropical de Asia. Un total de 58 especies son nativas da China, das cales 30 son endémicas; as outras especies están máis ao sur, desde Indochina a Indonesia, e tamén máis ao leste, en Corea e o Xapón. A maioría son especies que subministran madeiras nobres, altamente valoradas, e moitas producen tamén landras comestíbeis.

Describíronse até 393 especies do xénero Castanopsis, pero destas só 140 son aceptadas na actualidade.^[1]

Estreitamente relacionado con Castanea, de cuxas especies se distinguen por teren numerosas escamas en cada brote, follas perennes, un ovario de 3 células e un froito que consiste nunha landra ou noz que madura ao final do segundo ano.

As principais características das especies deste xénero son:^[1]

• As árbores son todas perennifolias, é dicir, de follas persistentes. Estas son producidas por abrochoss de forma ovoide, e teñen unha disposición alterna, pareada ou, máis raramente, en espiral ao longo do caule.
• As inflorescencias son xeralmente unisexuais, erectas e en forma de espiga ou de panícula.
• As flores masculinas están dispostas en grupos de 3 a 72, ou, máis raramente, illadas. O seu perianto ten 5 ou 6 pezas (até 8). Os estames son de 5 ou 6, até 122, e rodean un pistilo vestixial non funcional, cuberto con numerosos pequenos pelos curvados de aspecto laúdo.
• As flores femininas poden seren solitarias ou, como as masculinas, reunidas en grupos de 3 a 72. Ás veces teñen estames vestixiais (estaminodios). O ovario ten 3 compartimentos e xeralmente está superado por 3 estiloss (pero ás veces 2 ou 4). Estes terminan nun estigma que pode ser puntiforme ou ter poros terminais pouco profundos.
• O froito está composto por unha cúpula, cuberta máis ou menos densamente por pequenas brácteas de forma variábel dependendo da especie (escamas, espiñas ou tubérculos), e rodeando total ou parcialmente dun a tres aquenios. Estes aquenios alcanzan a madurez nun ano só en especies raras deste xénero, xeralmente necesitan dous anos para iso.

O xénero foi descrito en 1841 polo botánico francés Édouard Spach, publicado en Histoire Naturelle des Végétaux. Phanérogames.^[2]

A especie tipo é Castanopsis armata (Roxb.) Spach

O nome científico Castanopsis está formado pola raíz Castan-, de Castanea, coa adición do segundo elemento do latín científico -opsis, tirado do grego antigo ὣψ ṓps, "vista", "aparencia", en alusión ao se parecoido coas especies de Castanea.^[3][4]

Ademais de polo nome actualmente válido, o xénero coñeceuse tamén polos sinónimos:^[5]

• Balanoplis Raf., (1838)
• Chlamydobalanus (Endl.) Koidz., (1940)
• Callaeocarpus Miq., (1851)
• Pasaniopsis Kudô, (1922)
• Shiia Makino, (1928)

(Segundo os Reais Xardíns Botánicos de Kew)

• 
  Castanopsis cuspidata
• 
  Castanopsis indica
• 
  Castanopsis sieboldii
• 
  Follas de Castanopsis sieboldii
• 
  Noces de Castanopsis sieboldii
• 
  Follas de Castanopsis wattii

Wikimedia Commons ten máis contidos multimedia na categoría:  Castanopsis

Wikispecies posúe unha páxina sobre:  Castanopsis

• Fagáceas
• Shiitake

• Castanopsis en Flora of China (en inglés).