An Teach Órga i Samarkand

An Teach Órga i Samarkand

Cineál	comic book album (en)
Cárta innéacs
Údar	Hugo Pratt
Tréith
Carachtair	Corto Maltese (en)
Cuid den tsraith
Corto Maltese

Úrscéal grafach sa tsraith Corto Maltese is ea An Teach Órga i Samarkand nó La Casa dorada di Samarkand (Iodáilis) agus La Maison dorée de Samarkand (Fraincis), scríofa agus deartha ag Hugo Pratt. Foilsíodh an chéad sliocht as An Teach Órga i Samarkand i ndubh agus bán san iris Faincise À Suivre i mí Lúnasa 1980, agus foilsíodh an leabhar ina iomláine in Iodáilis agus i bhFraincis sa bhliain 1986.

Cuirtear tús leis an scéal i mí na Nollag 1921 i Ródas sa Mheánmhuir agus tagann sé chun críche i mí Meán Fómhair 1922^[1] ar an teorainn idir an Afganastáin agus an India. Tá Corto sa tóir ar órchiste Chíoras II na Peirse— a chuir Alastar Mór na Macadóine i bhfolach — agus é i ag iarraidh teacht i gcabhair ar a chara Raspúitín, príosúnach atá á choinneáil sa phríosún i Samarkand ar a dtugtar “An Teach Órga”^[2]. Chun é seo a bhaint amach caithfidh sé trí stát nua a thrasnú — Poblacht na Tuirce, an tAontas Sóivéadach, agus an Iaráin faoi cheannas Reza Pahlavi — agus é ina chogadh dearg thart timpeall air.

San úrscéal castar roinnt pearsana stairiúla orainn: uachtarán nua na Tuirce Mustafa Kemal Atatürk, an ginearál Turcach Enver Bey (nó Enver Paiseá) — fear a bhí ar dhuine de na daoine ba chiontaí as Cinedhíothú na nAirméanach i 1915 — agus Iósaf Stailín, a bhí ar dhuine de lucht ceannais na Rúise ag an am. Bhí cúlra staire an úrscéil ina ábhar do chlár teilifíse sa tsraith ‘’Le Dessous des Cartes ar Arte’’^[3].

Cuireadh fáilte forleathan roimh fhoilsiú an leabhair, agus foilsíodh trí alt éagsúla le Thierry Groensteen, Yves Mayence agus Arnaud de la Croix faoin teideal ‘L'Indispensable : La Maison dorée de Samarkand’ in ‘’Les Cahiers de la bande dessinée’’ uimh 72, Samhain-Nollaig 1986, lgh 4-5.

Léiríodh scannán beochana den úrscéal grafach ‘’La Maison dorée de Samarkand’’ ar Canal+ in 2003, agus eisíodh an scannán ar DVD an bhliain chéanna.

Fonótaí