Vivâr

Vivâr al è un comun di 1.272 abitants e al fâs part de provincie di Pordenon. Tal comun di Vivâr a si cjatin lis frazions di Tésis e Basandiele (loc. Basangjela). A Tesis si cjate il famôs museu di archeologjie cun reperts romans e langobarts.

Tal comun di Vivâr a son la gran part dai Magrêts Furlans (Magredi) un teritori speciâl jenfri i torints da la Miduna, da la Cilina e da la Còlvera. Da agnorums si sperarès che chescj teritoris a podedin jessi tutelâts magari jentrant te aree protezude dal Parc da lis Dolomitis Furlanis che al podarès cussì deventâ il Parc da Lis Dolomitis Furlanis e dai Magreis.

Tai Magreis si podin cjatâ une vore di jerbis e flours di derivazion continentâl e alpine. Lis orchideis a son vonde comuns e ciertis jerbis si cjatin dome ca parcè che si conte che lis samencis a sedin rivadis sot i çocui dai cjavai dai concuistadôrs rivâts di est. Chi, a àn cjatât il teren just par regnâ. In efiets, chestis plantis si podin cjatâ dome chi e tai prâts da Ongjarie e via indenant.

Fintremai pôcs agns indaûr il comun al jere isolât da li aghis da la Midune e da la Ciline par diviers mês al an. Doi gnûfs puints a àn peât il teritori cul rest dal mont: chel su la Midune viers Spilimberc e Udin, pa la Cilina, viers Pordenon. Sicheduncje Vivâr al è diventât ce tant centrâl par la planure e par la mont dal Friûl di soreli a mont.

• il Museu de Archeologjie di Tesis di Vivâr. (clamâ il comun)
• il vecjo Mulin da la Miuta a Vivâr
• zîr pai Magreis ( partint da Vivâr prima da la Cilina o da la frazion dal Dandul di Manià daûr la ex base militâr su la strade vivarine. La floridure e partìs da Març, indenant. Se si à fortune si pues ancje smicjâ i zovins acuilots che ca vegnin a passonâ besteutis salvadis (jeurs, surîs, farcs e v.i.) rivant jù da li monts da la Val Cilina.
• lis Glesis di Vivâr, Basangjela e Tesis
• zîrs in biciclete ator dai paîs, soredut dilunc la Colvare e la Midune. Conseade la biciclete da montagne.
• safaris fotografics dilunc i Magreis.